My Life,, In writing

In Deutschland

2010-05-18T11:30:00.000-07:00

Jæja þá er ég komin til Þýskalands eftir 3ja mánaða dvöl í Sviss.
Ferðalagið var langt og strangt, 15 klst í bíl en það gekk mjög vel og teljum við að allt og allir hafi komist heilu og höldnu á leiðarenda.

Húsið sem þau eiga hér er rosa stórt og flott en eiginlega enn í byggingu. Búið er að setja flísar á gólfin í sumum herbergjum en það á enn eftir að mála og koma upp veggfóðri og hurðum og sumstaðar gluggum svo óhætt að segja að mikið sé eftir.
Christan sefur á dýnu í húsinu en ég og Susanne erum saman í lítilli stúdíóíbúð sem þau leigja þar til við getum flutt inn sem verður vonandi í næstu eða þarnæstu viku.
Verst þykir mér hvað Susanne vaknar snemma á morgnanna, en það er kl 6! og ég sem sef frekar laust vakna að sjálfsögðu við umganginn í henni en þrjóskast alltaf við og ligg sem fastast uppí rúmi þar til hún hnippir í mig sem er oftast um 7 eða 8 leytið...

Annars er ekki mikið fyrir mig að vera þessa sl daga. Hrossin eru ekki enn komin á járn aftur eftir flutningana svo ekki fer ég á hestbak, það eru smiðir og málarar og flísaleggjamenn um allt í húsinu eins og maurar í mauraþúfu svo ekki get ég verið mikið þar inni án þess að vera fyrir, svo eiginlega það eina sem ég hef við að vera í augnablikinu er að fara út að labba með hundana sem er ekki svo slæmt fyrir utan alla hérana og dádýrin sem virðast halda sig í þýskri náttúrunni og hundarnir hafa einstaklega gaman að því að elta, svo maður þarf að vera vel á varðbergi.
En já frekar spes að hafa allt í einu svona lítið að gera þegar allt var á fullu sl viku við að pakka niður og þrífa, hehe

Ekki laust við að maður sé farin að hlakka til þess að koma heim og hitta fólkið sitt, dýrin sín og að ég tali nú ekki um að fá loksins almennilega máltíð!
grænmetihvað! þegar ég kem heim vil ég grillkjöt! grillkjöt! grillkjöt! og meira grillkjöt! eldsmiðju-devitos-heimabakaða pizzu! tortillas! la-la-la-la-lasagne! ofl ofl...

Gleðilega páska!

2010-04-04T06:36:00.000-07:00

Það er alveg merkilegt hvað tíminn líður alltaf hratt og núna eru komnir páskar!

eftir 22 daga er fyrsta og síðasta prófið mitt í skólanum og eftir ca mánuð verð ég í Þýskalandi.

En já ég fékk sent íslenskt páskaegg og þar var eftirfarandi málsháttur "Betra er lífið leift en mikið gleypt"

- betra er að leyfa sér mikið í lífinu en borða mikið? skrítinn málsháttur

Sl helgi var IPO 3 próf hjá Susanne með hundinn Kengie og fórum við til Bellizona sem er í suður hluta Sviss við Ítölsku landamærin og heldur betur öðruvísi en hér.

Flestir tala ítölsku og ekki laust við að ég fann fyrir sterkum rómönskum blæ, hehe

Annars hefur voða lítið gerst. Ég hef verið að ritgerðast fyrir páska og mun halda því áfram um páskana. Á morgun munum við Susanne fara samt að rúntast og fara í útsýnisferð um sviss, aftur, það eru víst fleiri hlutir sem hægt er að skoða hér og það verður vonandi gaman.

Christan kom heim í sl viku en fer svo aftur til þýskalands á morgunn svo um helgina hafa þau verið að pakka eins miklu og þau geta enda styttist í flutningana.

Planið er svo að Susanne fari til Þýskalands eftir 2 vikur og þau komi þá bæði til baka og verði þar til flutt er.

Það er nú samt dáldið annað sem ég er spenntari fyrir heldur en flutningunum og það er hún Ála mín sem á (vonandi) að kasta núna um miðjann eða enda apríl. Finnst frekar fúllt að vera stödd út í sviss þegar það mun eiga sér stað en sem betur fer á ég góða að sem ætla að taka fullt af myndum fyrir mig þegar folaldið kemur í heiminn :D

Vona að þið hafið það sem best yfir páskana.

Draumráðningar, anyone?

2010-03-20T12:20:00.000-07:00

gleði gleði, ég fékk pakka í dag frá yndislegu foreldrum mínum sem innihélt íslenskt nammi og páskaegg! Núna mega sko páskarnir koma :D
...Og Sigga þetta var egg nr 3 svo ég held að ég muni ráða við að klára það, ef ekki þá segir mér nú svo hugur um að Susanne myndi aðstoða mig við það með glöðu geði.

Dagurinn í dag var mjög góður. Ég fékk að sofa til 9 í morgunn sem ég kalla núorðið að sofa út, hehehe, held að það hafi verið mesta breytinging sem ég fann fyrir að þurfa allt í einu að fara að sofa á skikkanlegum tíma og vakna snemma á morgnanna :P
Fyrirhádegi var ósköp rólegt, fór í göngutúr með tryppið, gaf hrossunum, hreinsaði gerðið og hafði til hádegismat.
Eftir hádegismat fórum við svo á rúntinn og fórum til Umiz þar sem að var markaður í gangi, ekkert mjög stór og það var ekki hægt að prútta en það var rosa gaman að skoða. Ég keypti mér loksins nýtt skópar enda gömlu nike skórnir komnir á síðasta séns, en núna standa tölurnar svo

Ný skópör keypt sl mánuð
Ásrún: 1
Susanne: 7

finnst það frekar skonndið, sérstaklega þar sem hún er alltaf að tala um að hún þurfi að losa sig við skó og föt svo að það verði minna til að taka með sér þegar við flytjum til Þýskalands, hehe.
Á morgun munum við svo fara í gamlan bæ sem heitir Mürten eða Morten, á víst að vera rosalega fallegur og gaman að skoða.
Í dag var ég látin vinna með Austra í hendi og viti menn ætli ég hafi ekki fengið leyfi til að fara á bak! Að vísu bara inni í hringgerðinu... og Susanne lónseraði hann á meðann... en samt, híhí

Eeeeen ég nefndi víst eitthvað um draumráðningar vegna þess að mig dreymdi alveg stórfurðulegan draum í nótt.

Ég var stödd í stórri borg þegar allt í einu dró ský fyrir sólu, ég leit upp hæðina og þar var rosalegt þrumuveður yfir þorpi sem var þar. Ég geng út á torgið til að fylgjast betur með eldingunum þegar lítill skýstórkur kemur, ég fylgist með honum heilluð í smá stund þegar ég ákveð að það er hugsanlega ekkert svo sniðugt að standa bara þarna og fylgjast með svona twister.
Ég sný mér við og sé þar gaur á hjóli sem að dettur niður, ég hleyp til hans og hjálpa honum á fætur, hann bölvar þyngdaraflinu en segir svo að sér svimi dáldið og biður mig um að styðja sig áfram meðan hann er að ná jafnvæginu.

við göngum aðeins áleiðis eftir torginu þegar hann þéttir takið á mér og fer að ganga hraðar og hraðar, ég er umþaðbil að stoppa þegar allt í einu kemur einhver annar sem hann greinilega þekki og grípur undir hina hendina mína. Saman lyfta þeir mér upp og hafa mig á brott.
Ég berst um og reyni að sleppa en ekkert gengur, þá öskra ég eins hátt og ég get sem verður til þess að ég hrekk upp af svefninum, ég velti því fyrir mér hvort ég hafi öskrað uppúr svefni þegar herbergishurðin mín opnast og inn gengur gaurinn á hjólinu.

Þá rifjast upp fyrir mér að það eru nokkrir mánuðir síðan þetta hafði allt gerst og ég og þessi gaur vorum byrjuð saman. Hann kveðjur mig og fer í vinnuna. Ég klæði mig og fer að skoða íbúðina sem við (og vinir okkar) búum í. Fer inná klósett en það er greinilega stíflað eða eitthvað þar sem það er kúkur út um allt! sama var að segja um hin 2 klósettin í íbúðinni *bjakk*
Næst lýt ég út um gluggann, þar haf ég útsýni yfir gerðið og sé alla hestana, mér til mikillar ánægju hafa Ála og Lilja bæst í stóðið og ég fer að plana reiðtúra til að fara á hestinum mínum, þegar ég uppgvöta, mér til mikillar skelfingar, að ég get ekki tekið þær aftur með mér heim til Íslands!
og þá vaknaði ég - fyrir alvöru...

Mánuður

2010-03-16T11:13:00.000-07:00

Já heil og sæl.
Í dag er liðinn mánuður síðan ég lent í Sviss og að mínu mati hefur tíminn bara verið frekar fljótur að líða enda er nóg að gera á þessu heimili hvað varðar hrossin, hundana, tiltekt, matreiðslu og heimanám.

og talandi um mat að þá er ratatoille-ið að malla í pottinum og eftir kvöldmat munum við Susanne bruna til Westside í bíó að sjá Alice in Wonderland :) og á ensku, ekki þýsku! :D

Við fórum saman í langan reiðtúr á Mjölni og Austra og málin voru aðeins rædd. Við þurfum víst að koma aðeins betur skipulagi á hlutina sem er samt frekar erfitt fyrir hana þar sem hún vill að ég vinni aðeins meira með hrossin, ekki bara fara í reiðtúr en hún hefur eiginlega ekki tíma til að sýna mér hvað það er sem ég á að gera - see the dilemma?
Einnig hefur hún mikla fullkomnunaráráttu og hlutirnir eiga helst að vera gerðir algerlega eftir hennar höfði, sem er kannski ekkert rosalega auðvelt ef ég veit ekki hvernig hún vill að ég geri hlutina.

svo kom það upp hún ekki alveg nógu sátt með að ég fékk lánað hjól sem var hér í kjallaranum og fór út að hjóla í sl viku þegar ég var ein heima. Þetta var víst alveg glænýtt hjól sem átti ekki að nota fyrr en í Þýskalandi, það var líka hennar hjól og hún ætlaði að vera fyrst til að nota það.
Og vikuna sem ég var hér ein átti ég líka að vinna aðeins með Austra í gerðinu, lónsera og eitthvað en svo þegar ég sagði henni að ég hefði farið einn dag á bak þá var hún ekki alveg nógu ánægð heldur, þar sem Austri er víst hennar hestur og það má greinilega helst enginn fara á bak nema hún, hehe

Það var nú ekki gert neitt mál úr þessu enda vissi ég ekki að ég mætti ekki nota hjólið eða fara á bak á Austra og það var enginn heima til að spyrja.
Einnig finnst mjög fínt að ég hef mikið vinnu sjálfstæði en stundum finnst henni samt kannski aðeins of mikið, hehe Svo við ætlum að reyna koma upp einhverju plani svo ég viti nú alveg hvað ég má og hvað ég má ekki gera...

Á laugardaginn er svo einskonar hestahátíð í þorpi hér nálægt þar sem að eru til sýnis allar þær hestategundir sem finnast í nágrenninu, held að það verði rosalega gaman.
Og á sunnudaginn þá er spurning hvort við förum á pilates 2 námskeið með hrossin eða hvort við tökum smá útsýnis tour um Svissnesku sveitirnar hér í kring.

Vorið er svo greinilega á næsta leiti enda búið að vera yndislegt veður sl daga sól og sumarylur :)

Vona að þið hafið það gott í regninu á Íslandi.
Þar til næst
Með kveðju frá Sviss

Mánudagur til mæðu... eða hvað

2010-03-08T07:16:00.000-08:00

Flest allir á fésbókinni eru að dæsa og hvæsa að það skuli vera kominn mánudagur en ég er nú eiginlega bara fegin, og sérstaklega er ég fegin að það skuli vera einmitt þessi mánudagur vegna þess að Christan og Susanne fóru til Þýskalands í gær og ég verð ein hér með hestunum og kisunum í heila viku :)
- hver kemur í partý!?

Annars hefur dagurinn bara verið mjög góður. vaknaði í morgun og gaf hrossunum, skrifaði ritgerð fyrir hádegi, fékk mér eggjahræru með beikoni, sveppum og papriku í hádegismat - full skál af salati hvað - svo er ég búin að fara á hestbak, setja í þvottavél... basically búin að öllu sem ég þarf að gera og dagurinn er varla hálfnaður.

Á laugardaginn ætluðum Susanne til Zurich að sjá Ístölt en því var svo frestað vegna veðurs. Kom í ljós að það var víst bilað veður í Zurich, almenningssamgöngur stöðvaðar og slatti af slysum vegna hálku, frekar skrítið því veðrið hér var alveg viðráðanlegt.
En í staðinn fórum við til Westside sem er moll og ég verslaði mér nokkrar bækur og skoðaði í fullt af búðum, var mjög næs.
og talandi um veðrið að þá var dáldið frost í nótt, amk svo mikið að hrossaskíturinn sat frosinn við jarðvegin og sumum hrúgunum náði ég hreinlega ekki upp fyrr en eftir hádegi þegar sólin var aðeins búin að losa þetta, það er ss sólskín, blár himinn en asskúri kalt

Frétti svo frá pabba að hann ætlaði að senda mér páska egg og get ekki sagt annað en að ég sé himinlifandi með það. Væri enn betra ef hann gæti fundið strumpapáska egg, skil ekki afhverju Nói hætti með þau því þau voru klárlega best.
Einnig bíð ég spennt eftir að heyra hvort hún Ála mín sé fylfull heima... frekar lélegt að bíða í nærri ár með að komast að þessu en svona er þetta víst, hvað get ég sagt ég lifi fyrir spennuna :P

Með hey í hárinu

2010-03-03T10:13:00.001-08:00

Já það hefur nokkrum sinnum komið fyrir eftir að hafa verið að stússast úti í hesthúsi að maður sé með hey í hárinu, á peysunni... í skónnum... í vösunum já eiginlega bara út um allt! virðist vera allveg jafn kræft og hunda/katta/hesta hárin, hehe

Annars er lífið bara að ganga sinn vanagang hér í Svisslandinu, vaknað snemma, hrossum og hundum sinnt, þrifið inni eða farið í annan göngutúr með hundana. Tími fyrir heimanámið gefst samt eiginlega ekki fyrr en eftir kvöldmat svo það er svo sannarlega nóg að gera á stóru heimili.

Í kvöld var annars eldaður risa skammtur af grænmetissúpu sem ætti að endast sem kvöldmatur hvah- næstu 3 til 4 daga svo þar græðir maður nokkrar auka mínútur sem annars hefuðu farið í eldunarstúss :P

Annars hlakkar mig dáldið til næstu viku en þá mun ég vera ein frá sunnudegi til laugardags og þá skal sko eldað eitthvað gott! ekki svona kanínufæði, þó svo að það sé nú að venjast alveg ágætlega þrátt fyrir dálítinn vind og þá er ég ekki að tala um veðrið úti, haha.

Svo er alltaf svo mikið rætt um flutningana til Þýskalands að mig er nú bara farið að hlakka til, þrátt fyrir að þetta verði um 10 klst keyrsla!
Þar er munu þau hafa sveitabæ, ekki hús í miðju þorpi þar sem er fullt af skokkurum, hjólafólki og traktorum. Svo er fólkið á næsta bæ með arabíska hesta, fór á einn þannig úti í kanada og það var mjög gaman væri ekki leiðinlegt að komast á bak á þannig aftur :P

Vona að þið hafið það gott í snjónum og slabbinu heima :)

Nærri komnar 2 vikur

2010-02-28T07:37:00.001-08:00

Hmm.. síðast var bloggað á sunnudegi og viti menn í dag er sunnudagur! skyldi þetta ætla verða að einhverju trendi hjá mér?

Það er nú ýmislegt búið að ganga á hjá mér þessa viku síðan ég bloggaði síðast og ekki beint hægt að segja að það hafi verið mín heppnasta vika.
á fimmtudeginum fór ég í reiðtúr á Mjölni og tók Hrólf til reiðar (fyrir ykkur ekki-svo-mikla-hestafólk þýðir það að ég hélt í hann í taumi og hann hljóp með). Nema hvað að þegar líða fer á reiðtúrinn komum við að kafla þar sem að Mjölnir er vanur að fá að hlaupa, eitthvað urðum við ósátt þegar ég vildi ekki lofa honum að hlaupa og ruku hestarnir stjórnlaust af stað.
sama hvað ég tók í tauminn eða talaði við hann hægði hann ekki á sér en mér tókst að beygja honum útaf veginum, hélt hann samt bara áfram og hlaupa og mér til mikillar skelfingar sá ég að hann var á leið á girðingu!
Sem betur fer tók hann líka eftir því og hægði á sér, nýtti ég þá tækifærið, stökk af baki og tókst að hemja hrossin.

löbbuðum við þá þennan kafla sem hann fær alltaf að hlaupa og fór ég aftur á bak. það gekk bara vel svo ég ákvað að tölta smá, nema hvað að hestarnir fóru eitthvað að æsa hvorn annan upp, tölt varð að hröðu tölti sem varð svo að stökki án þess að ég hefði nokkuð um það að segja og byrjaði leikurinn uppá nýtt, nema að í staðþess að hafa girðingu til að stöðva okkur þá stökk ég af baki í krappri beygju þar sem þeir þurftu að hægja verulega á til að ná henni og teymdi þá félaga heim enda var vegalengdin stutt.

fleira sem gerðist þennan dag var að ég hrasaði um einn af hundunum, tókst að smalla soyasósu flösku á eldhúsgólfinu, súpan síðan daginn áður reyndist mygluð og einn af köttunum klóraði einn af hundunum... hefur greinilega eitthvað legið í loftinu þann daginn.

Annars hefur allt verið með rólegunótunum og ég farið á hestbak og sópað ásamt því að læra og ganga með hundana... tjah nema kannski í gær.

Ég ákvað að fara í göngutúr með Gjafar sem er ungur og ótaminn en spakur og teymist vel, nema hvað að í göngutúrnum fælist hann við gaur á hjóli, hleypur af stað - yfir mig! - og ég missi tauminn, sem betur fer stoppaði hann örfáum metrum frá og fór að bíta gras.
hjólagaurinn sagði eitthvað við mig sem ég skyldi nú ekki og hélt svo bara áfram og hjólaði aftur fram hjá hestinum, ekkert að hugsa um að hjálpa mér á fætur eða að hjálpa mér við að ná hrossinu - I guess chivalry really is dead.

Miðannaprófið í bókmenntafræðinni er á morgun, eftir það mun ég líklegast eyða deginum í Bern með Susanne, þeas ef veðrið verður þokkalegt... er búið að vera dáldið drungalegt í dag með rigningu og vindi.
Sem betur fer er allur snjórinn farin héðan, sýnist á öllu að hann hafi flúið Sviss og komið sér bara vel fyrir á Íslandi um leið og ég kom hingað :P

Nærri komin vika

2010-02-21T12:31:00.000-08:00

Já núna á þriðjudaginn verður komin vika síðan ég kom til Sviss og lífið hér er bara mjög fínt.
Er að vísu á miklu kanínufóðri hérna og þarf að vakna eeldsnemma á morgnanna en var ekki einhver sem segir að vinnan göfgi manninn?
- þá hlýt ég að vera orðin asskúri göfug í lok sumars ;)

Dagarnir snúast að mestu leyti um það að gefa hrossunum, fara á hestbak, sópa, fara út með hundana, sópa, taka skítinn úr gerðunum, skera salat í matinn, sópa og já sópa svo aðeins meira.
Eitt af mikilvægustu þýsku orðinum sem Susanna vildi kenna mér var bisen en það þýðir einmitt kústur!

Á laugardaginn slapp ég þó léttilega með ekkert sóp þar sem að við fórum á hesta pilates námskeið sem varði allan daginn. Já ég sagði hesta pilates.
Dagurinn byrjaði um áttaleytið þangað sem við lögðum af stað til næsta þorps þar sem að námskeiðið átti sér stað og byrjuðum við á 3 klst pilates æfingum og fórum svo í hádegismat, eftir matinn var svo unnið með hestana en þá áttum við að nýta æfingarnar sem við höfðum lært til að hafa rétta ásetu og jafnvel geta stýrt hestunum án þess að nota tauminn.

Ég fékk ekki hnakk, heldur var lögð einskonar motta á bakið á hestinum sem ég var á sem fest var með lónseringargjörð og ég átti bara værsogú að sitja þannig. Það var nú alls ekkert svo slæmt en ég var samt dáldið stressuð fyrir því þegar við færum að brokka en ég er nú kannski ekki jafnvægismesta manneskjan enda þekkt fyrir að vera dáldill veltikall... en þetta fór nú bara allt á hinn besta veg og ég náði að halda mér á baki meðan brokkað var, það sem meira er ég náði að slaka alveg á á brokkinu og ekki spenna lappirnar utan um kviðinn á hrossinu eins og ég á til með að gera þegar ég er berbakt á baki
- en það má ekki því það virkar sem hvatning á hestinn ;)

Svo það gekk mjög svo vel og 21 mars munum við víst fara aftur í hesta pilates nema þá námskeið 2.

En þó svo að ég hafi ekki oltið af baki þann daginn þá tókst mér að velta á gólfið 4 stk glösum sem að bókstaflega smölluðust á hörðum gólfflísunum.
Málið var að ég ætlaði að ná í tölvuna mína inn í íbúð og fara inn í hús. Ég hafði hreinlega gleymt að hún var í hleðslu, lyfti henni upp og snúran sá um að sópa glösunum framaf borðinu.
Christan kom svo hendi færandi með kúst og fægiskóflu og sagði mér að það var til þýskt máltæki "brotið gler færir heppni"
- svo ég vonast til að vera mjög heppin hér :p

Ekki það að mér finnst ég hafa verið fullt heppin nú þegar. Fólkið hér er rosalega fínt, hundarnir eru skemmtilegir, hestarnir góðir, veðrið að vísu dáldið kalt en amk logn! og svo eru Susanne og Christan alltaf að plana eitthvað skemmtilegt fyrir mig að gera meðan ég er hérna; ýmsar skoðunarferðir, carnivöl, hestasýningar ofl ofl ...

En ætli það sé ekki komið nóg af bloggi í bili og tími á að kíkja aðeins í heimalærdóminn því maður er víst í námi líka :P

Útþrá

2010-02-16T09:35:00.001-08:00

Já tíminn flýgur og tíminn líður og það er jafnvel stundum að hann lýgur.

Hér er ég stödd í Sviss 7 mánuðum eftir að ég kom heim frá Kanada og hér mun ég dvelja næstu 3 - 6 mánuðina.

Ferðalagið hófst kl 4 í morgunn eftir slitróttan 2ja tíma svefn, þá lögðum við feðgin af stað til Keflavíkur en ég þurfti að ná flugi til Gatwick, England og þaðan til Zurich, Sviss (hmm.. skyldi maður núna vera orðin Englands vinur?) þetta gekk nú bara áfallalaust fyrir sig fyrir utan yfirvigtina.. á farangrinum ekki mér þú skilur. En það er frekar erfitt að mega bara hafa 20 kg í farangri fyrir svona langa dvöl fjarri heimilinu.

En aðal áhyggjan var nú hvort ég myndi þekkja hann Christian Brönnimann eða hvort það myndi taka mig einhvern tíma að hafa uppi á þeim manni þegar til Sviss var komið. En það voru óþarfa áhyggjur þar sem að hann stóð þarna með A4 blað sem stóð á stórum stöfum Ásrún... hefði ekki getað farið fram hjá mér :P

Upphófst þá 1,5 klst keyrsla heim í bæinn og spjölluðum við Christan dáldið saman á leiðinni. hann er mjög næs, ég hef enn voða lítið talað við Susanne en hún var upptekin með einhverri konu þegar við komum og núna eru þau bæði farin að skila einhverjum bíl. En hún er örugglega bara mjög fín... vona ég.

þetta þykir mér vera sérkennilegur bær. Hér búa um 400 manns og öll húsin eru nú bara í einum hnapp. Hér eru þau með hestana, hundana og kettina og ég sver að áðan heyrði ég baul úr næsta húsi! Frekar sérstakt.
Annars er ég bara búin að koma mér ágætlega fyrir í íbúðinni minni - já íbúðinni minni. Það er pínu lítil krútta íbúð sem ég fæ að vera í smá stofa með baðherbergi og svefnherbergi bara mjög kósý og að sjálfsögðu internetið :)

Ég ætla nú að reyna að halda þessu bloggi eitthvað lifandi svona meðan ég er hérna úti uppá að fólk fái jú að fylgjast aðeins með.

Sumarfrí ^^

2009-05-13T13:40:00.000-07:00

Núna er réttast að fagna, en síðasta prófið mitt var í dag!

Svo núna er ég komin í sumarfrí og ekkert að gera nema að bíða eftir einkunnunum

Tjah það er að vísu ekki alveg rétt því í þessum skrifuðu orðum sit ég heima hjá henni Siggu systur og er að passa hann Huginn, en foreldrarnir skruppu í bíó.

Og það er óhætt að segja að hann frændi minn sé algört krútt, en þegar ég fór og lagði hann bað hann mig um að syngja 'dvel ég í draumahöll' þegar laginu lauk bað hann mig um að syngja það aftur... hvað gerir maður ekki fyrir frænda sinn.

Þegar tónleikunum lauk lagði huginn hendina sína á kinn mína, leit í augu mín og sagði "þú ert duglegur að syngja"

Svo annað kvöld ætlum við Anna vinkona eitthvað að hanga saman og á föstudaginn er próflokadjamm!

Á laugardaginn er svo Eurovision kvöld og á sunnudagskvöldið verður farið á Santa Maria þar sem ég mun hitta hina 7 krakkana sem að fara með mér til Kanada í sumar!!

- Ójá, 6 vikna ferð til kanada verður farin í lok júní og ég er ekkert smá spennt! á eftir að verða æðislega gaman ^^

Ú svo má nú ekki gleyma því að á mánudaginn mun ég fá dýralækni með mér uppí hesthús og athuga hvort að hún ála sé orðin bomm :)

Margt á döfinni

2009-05-04T14:30:00.000-07:00

Já núna er alveg ágætlega mikið að frétta.

Ég er búin að vera í upplestrarfríi frá HÍ síðan 17. apríl og hefur það nýst bara ágætlega en svo er fyrsta prófið sem mun vera bandarísk menningarsaga á morgun!!

Svo koma hin 3 nærri því í röð á eftir 8. maí, 11. maí og síðasta er 13. maí

- Get sko sagt ykkur það að Red Bull er besti vinur námsmannsins ;)

Ég á því miður ekki von á því að fá vinnu í sumar, enda eru ekki beint margir atvinnuveitendur sem vilja fá starfsmann sem getur ekki unnið í júlí, en í enda júní er ég að fara í 6 vikna ferð til Kanada!! Er orðin ekkert smá spennt og hlakka mikið til.

En vegna þessa sé ég framá dáldið strembinn vetur peningalega séð og tók þá ákvörðun að spara pening með að taka mér árs frí frá hestamennskunni og því fór ég með hana Álu til stóðhests. Stóðhesturinn er um ræðir heitir Klængur frá Skálakoti en ég á nefnilega hlut í þeim fola.

Sedda vinkona var svo almennileg að bjóða fram bíl og hestakerru svo við rúntuðum austur á hvolsvöll í gær með hana Álu þar sem hún fékk gott í kroppinn ;)

- og það voru nú engin lítil læti, en Ála var fyrsta meri sumarsins til að koma til hans í fyljun. Mér var sagt að fara með hana inn í hlöðu og stilla henni þannig upp að hann gæti komið og hnusað aðeins af henni. Næsta sem ég veit heyri ég hnegg, hófadyn og svo kemur Klængur á harðaspretti og stekkur uppá hana!

..Ekki hægt að kvarta undan kyndeyf á þeim bæ!

Við tókum Álu svo bara aftur í bæinn og mun ég hafa samband við dýralækni á næstu dögum uppá að fá það staðfest hvort hún sé ólétt eður ey.

Kannski að maður prófi líka þessa gömlu aðferð sem Rannsý í Ásgarði mælti með, en þá á maður að taka eitt hár úr sterti merarinnar, binda hóffjöður á endan og halda 3-4 cm fyrir ofan merina.

Maður þarf að vera með stöðugar hendur og taka vel eftir. Ef föðurinn hangir kjur þá er merin ekki fyljuð en ef hún byrjar að snúast í hringi eða sveiflast fram og til baka þá er hún með fyli, verður gaman að tékka á þessu :)

og þar með má nú eiginlega segja að ég sé að stíga mín fyrstu skref í ræktun :P

Nokkrar myndir af hinum (vonandi) væntanlega föður

Allt við sama hornsins heygarð

2009-02-12T09:19:00.000-08:00

Já það er nú mest lítið merkilegt að ske hér í Reykjavíkinni... dagarnir líða hratt enda nóg að gera.
Skóli > Lærdómur > hestbak > sund... not necessarily in that order, auk vísindaferða þarna inn á milli ;)

Einnig hef ég verið að fara á leiklistarnámskeið núna á miðvikudögum en svo er víst Vetrarhátíð núna um helgina og er Ólöf sú sem er með okkur á námskeiðinu að skipuleggja kærleiksgöngu sem farin verður á Laugardaginn milli kl 18 - 20 og vill endilega fá okkur sem og fleiri úr öðrum leikhópum að koma og vera með einhverjar uppákomur á leiðinni.. gefa ókeypis faðmlög, afhenda krúttlega málshætti o.þ.h og vænti ég að þetta verði bara voða gaman, þeas ef veðrið verður ekki leiðinlegt.

Annars er nú ekki frá meiru að segja nema það að ég er komin með hundleið á þessum kulda... búin að fá nóg og vil fara að fá hlýrra veður. Bara svona svo þið vitið :P

Kósíkvöld hjá stúdentaleikhúsinu

2009-01-30T08:35:00.000-08:00

Já óhætt er að segja að gærkveldið hafi bara verið einstaklega vel heppnað.
Fór um áttaleytið á síðasta námskeiðið hjá stúdentaleikhúsinu og þar á eftir var kósíkvöld.

Vorum við þarna ca 30 saman, spiluðum og spjölluðum langt fram eftir nóttu og endaði þetta með 7 manns sem höfðu sig ekki ferðbúin heldur um 04.30 að morgni til!
En þetta var bara svo einstaklega skemmtilegt fólk að enginn vildi fara heim fyrir utan snilldarlega leiki sem farið var í sbr 'varúlfaleikinn' og 'gettu hver'

Ég reyndist svo vera bjargvættur kvöldsins þegar ég reddaði þeim Júlíönu og Bryndísi starti í bílinn þar sem þeirra reyndist vera rafmagnslaus, og svo miskunnaði ég mig yfir tvo Bjarna sem þarna voru og skutlaði þeim heim í mosó.

Listinn yfir þá sem koma til með að leika í næsta uppsetningu hjá stúdentaleikhúsinu var birtur í morgun og því miður var ég ekki þar niðri á blaði enda bara ca 10 manns af 30 sem fengu hlutverk en það er eflaust nóg annað hægt að gera, aðstoða við sviðsmyndina, gera plaggat, setja saman leikskrár oþh að ógleymdum partýunum ^^

En já ætli það sé ekki vissara fyrir mig að fara að drífa mig og klára að undirbúa fyrir kvöldið.
later dudes & dudettes

Út vil ek..... ekki

2009-01-21T06:00:00.000-08:00

oj bara.
Það er rigning og slabb og hálka og blautt úti.. mér finnst það ekki sniðugt og finnst frekar fúllt að þurfa að arka í slabbinu á milli háskólatorgsins og öskju millli tíma.

En já ég hef hafið nám í háskóla íslands og hef skráð mig í ensku. Einnig hef ég mætt á einn fund hjá stúdentaleikhúsinu og leist bara nokk vel á það.
Óhætt er samt að segja að háskólinn er örlítið öðruvísi en framhaldsskólinn að þeim þætti að í háskólanum þarf maður virkilega að læra og lesa mikið... who'da thunk!

Ég er allavega enn nokkurnvegin á áætlun enda bara tvær viknur liðnar, hehe

Að sjálfsögðu er ég líka með gobbann minn í bænum og höfum við farið í nokkra góða reiðtúra og mér líkar svo miklu betur í heimsenda heldur en í neðri fák.
Mér leist að vísu ekki alveg á blikuna í gær þegar ég tók eftir því að merin var farin að láta dáldið kjánalega í miðjum reiðtúr, stökk ég þá af baki og fékk grun minn staðfestann.... það var farið að safnast töluverður snjór undir hófana og hún átti erfitt með að halda jafnvægi blessunin.
Þá er nú gott að eiga einstaklega geðprýðis hross, en ég lyfti löppum hennar og barði ísinn úr hófunum með skaftinu á písknum.
- ekki allir hestar sem hefði staðið kjurir á meðan að þessu stóð. En svo lögðum við af stað til baka og riðum á ágætum hraða til að koma í veg fyrir að það safnaðist mikið meiri snjór í hófana.

Þegar ég kom aftur upp í hús komst ég að því að Álu finnst epli ekki góð... en Lilja elskar þau. það vildi nefnilega svo til að ég fann poka fullan af eplum og ákvað að tékka hvort stelpurnar hefðu áhuga á þeim. Lilja smakkaði einn bita en vildi svo ekki sjá þetta á meðan að Lilja var alveg óð í þetta og át heilt epli in no time.

Ég hef verið búsett í Njörvasundinu núna þessar tvær skólavikur og mér líkar það bara vel. Siggi og Rannsý eru mjög fín og það væsir svo sannarlega ekki um mig þarna ;)

En jæja Jay kennari er komin aftur og þá fer kennslan líklegast að hefjast á ný.
Þar til næst.

gleðilega hátið

2008-12-27T07:58:00.000-08:00

gleðilega hátíð og gleðileg jólin.
Vona að þau hafi verið góð hjá ykkur, veit að þau voru mjög góð hjá mér.

Sigga og Dóri og Huginn voru í nesinu yfir hátíðina og það var eldaður kalkúni á aðfangadag með þessum líka dýrindisstöffing sem er bara the best!
Allir voru mjög sáttir með jólin sín og er ég engin undantekning.
Fékk margar flottar jólagjafir og ber það helst að nefna skrapptösku og skrappdót, reiðbuxur, bók eftir tamningarmannin Benidikt Líndal, fullt af lakkrís og súkkulaði nammi (sem maður þarf að drífa sig að klára ef maður ætlar í átak eftir áramót haha) flotta teninga í bílinn, snyrtivörur og margt fleira.

á jóladag kom svo bróðir hennar mömmu og fjölskylda hans í heimsókn og þá var mikið stuð hér á bæ.
Sigga og Dóri fóru svo á jóladag ... merkilegt hvað allt dettur í dúnalogn þegar 2ja ára guttinn fer heim með foreldrum sínum ásamt 18 mánaða geltmaskínunni honum Loka, hehe

Svo skrapp ég í stórborgina að ná í gobbann minn og taka á hús.
Lagði af stað kl 9 í morgun og var komin í mosfellsdalinn rétt fyrir 10 og þá upphófst mikil leit í myrkrinu af tveimur hrossum... og þótti mér frekar vandræðalegt þegar ég var farin að kallast á við risastórt kefli í myrkrinu "gobba-gobba-gobba"
En svo fann ég stelpurnar okkar á endanum og var komin með þær upp á kerru á rétt rúmum klukkutíma.
Lenti í smá vandræðum til að byrja með þar sem ég var bara með eitt beysli og einn múl, mýldi Lilju og beislaði Álu og krækti svo taumnum í þær báðar.. kannski ekki mín besta hugmynd þar sem að Lilju liggur alltaf voða mikið á, en Ála bara labbar þetta rólega... svo á endanum sleppti ég bara henni Álu en teymdi Lilju enda elti Álan bara... ekkert spennandi að vera skilin eftir ein í sveitinni.

Mér leist bara mjög vel á hesthúsin sem við verðum í. Stelpurnar... eða konurnar if you will sem eru þar virðast bara vera mjög fínar og almennilegar og ég hlakka mikið til að fara að ríða þarna út í vetur :)

vika í aðfangadag og mamma orðin fimmtug!

2008-12-17T11:14:00.000-08:00

Já nú fer hátíðin aldeilis að skella á og nóg hefur verið að gera undanfarið í jólaundirbúningi og jólakaupum og óhætt að segja að hér í kring er orðið mjög jólalegt.

Svo er nú frá því að segja að hún Ingileif móðir mín kær varð fimmtug í gær, þann 16. desember, og óska ég henni innilega til hamingju með það!
Fóru þau pabbi til reykjavíkur og var aldeilis sérdeilist dekrað við frúna þar sem hún fékk fínerísis nuddmeðferð og um kvöldið dreif litla fjölskyldan sig út að borða.

Tjah að hún móðir mín hélt, því henni hafði einungis verið sagt að hún, pabbi, ég, Sigga og Dóri værum að fara fínt að borða en þegar við mættum á Einar Ben beið þar stórfjölskyldan, öll systkini mömmu, bræður pabba og makar.
Henni var aldeilis komið á óvart með þessu og örlaði á tár á hvarmi hennar meðan afmælissöngurinn var sunginn.
Svo tók við þetta líka glæsilega jóla/villibráða hlaðborð og gerðist ég svo kræf að smakka bæði svartfuglinn og hreyndýrapatéið... (aumingja rúdólf)

Held ég að hún móðir mín hafi verið all ánægð með daginn, sem og allir veislugestir :)

22 dagar til jóla!

2008-12-02T06:32:00.001-08:00

Já það fátt sem að kemur manni jafn mikið í jólaskap svona rétt fyrir jólin og það að missa vinnuna sína, en það voru fjöldauppsagnir í fjölmörgum fyrirtækjum núna um mánaðar mótin og var ég ein af þeim sem lenti undir miðri fallexinni.

Já, í fyrsta sinn á sl tuttugu árum hef ég lent í því að vera sagt upp... ekkert voða skemmtileg tilfinning get ég sagt ykkur en get þó huggað mig við það að vera ekki búin að koma mér upp fjölskyldu, sökkva mér í lán og annað denslags.

Mér var gert að þurfa að vinna út uppsagnarfrestinn minn sem er mánuður, en hætti þó 19. des þar sem að þá er svæðinu hér lokað þar til 12. janúar.

En hvað tekur við næst?
Já mér er spurn... Það virðist enga vinnu vera að fá eins og ástandið er í samfélaginu í dag, ég talaði við Tolla í sólarfilmu en hann hefur víst ekkert handa mér fyrr en hugsanlega í apríl...
Svo. Ætti maður að sækja um í háskólanum og læra ööö... somethingamagicka með námslánum og öllu tilheyrandi, eða skella sér á atvinnuleysisbætur fram í apríl??

Þetta er mjög erfið ákvörðun, sérstaklega þar sem að umsóknarfresturinn í HÍ rennur út 15. des svo ég hef afráðið að fara á morgun og ræða við námsráðgjafa, sjá hvort hann geti aðstoðað mig við að fá botn í málið.

Annað en þetta er lítið að frétta. Í vinnunni er barasta ekkert að gera enda er búið að hægja svo mikið á Helguvíkurverkefninu að það skyldi engan undra þessar uppsagnir, enda eru búnir að vera niðurskurðir á öllum öðru sem fólki datt í hug en það var bara ekki nóg.

Ég bakaði þó Bismark kökur á sunnudagskvöldinu og kom með slatta í vinnuna á mánudagsmorgninum og gerðu hrægammarnir hér á skrifstofuni þeim góð skil og skilst mér að þær hafi bara þótt nokkuð góðar.

Frá litlu er annað að segja, Ég og Sigga jólaböksturuðumst á laugardeginum og voru bakaðar sörur, súkkulaðibitakökur ofl sem var bara gaman... en erfitt útaf honum Pésa kisa sem að langaði voðalega mikið að smakka allt sem við vorum að brasast með.

Læt ég þetta nóg í bili og ætla að halda áfram að láta mér leiðast í vinnunni.

allt er við sama garðsins heyhorn

2008-11-18T02:51:00.000-08:00

Á föstudaginn kíktu þær Sedda og Magga í heimsókn og það var voða gaman að fá þær í villuna mína.
Mikið var spjallað, hlegið og horfðum við svo á kvikmyndina "how to loose friends and alienate people"
Röskva fékk að koma með Seddu og þurftum við að hafa dáldið auga með henni og Pílu þar sem þær áttu það til að brosa ófallega til hvor annarrar, hehe
- gekk allt þó stórslysalaust fyrir sig.

Laugardagurinn fór að mestu í tiltekt og tjill auk þess sem maður er farin að gera drög að jólagjöfum því þau nálgast óðfluga! 18 nóvember í dag, can you believe it... svo ekki sé talað um afmælisdaginn hennar móður minnar sem nálgast enn hraðar.

Jú ég fór að vísu í miðnæturgöngu með Píluna á laugardaginn. Það var bara æði.
Það var smá snjór yfir öllu, algjört logn og hitinn rétt yfir frostmarki og ekki nokkur hræða á ferli, nema við Píla.

Pásinn er að gera Pílu lífið leitt, en hún lítur víst á það sem sitt lífsmarkmið að sitja um fyrir honum og stara á hann allann liðlangann daginn í þeirri von um að hann álpist út úr búrinu svo hún geti veitt hann.
- hans prívat og personal fangavörður...

Hann egnir henni þá með að flauta ýmisa lagstúfa, en hún virðist æsast um helming ef hann gefur frá sér minnsta hljóð.
Honum hefur farið aðeins aftur í þjálfun sl viku þar sem Píla er hér því ég þori ekki að vera mikið að taka hann úr búrinu þar sem skolturinn á henni er alltaf nálægt.
Hann flautaði þó úlfaflautið 2x í gær sem er bara gott mál

Sækjast sér um líkir og heiminn

2008-11-11T04:16:00.000-08:00

jæja þá er maður búinn að vera hér í Keflavíkinni í rétt rúman mánuð og líkar mér þetta bara ágætlega, ég næ að vísu engum rásum á sjónvarpinu, hvorki stöð 1 né skjá einum en þar sem ég hafði vit á að fjárfesta í TVflakkara og hef nóg efni inná honum er ég ekki að hvarta.

Einnig hef ég aðgang að bókasafni systur minnar og eftir að hafa lesið Blaze eftir Stephen King er ég núna komin vel á leið eð Marley & Me eftir John Grogan sem ætti að vera skyldulesning fyrir alla hundaeigendur. Virkilega skemmtilegur penni hann John.

Svo virðist ég hafa þann einstaka hæfileika að hrynja af hestbaki og hefur það gerst núna trekk í trekk að þessum hrossum sem Jón er með í tamningu takist að henda mér af eftir hrynu af hrekkjum og eru lendingarnar mismjúkar (flestallar harðar) og marinn er skrokkurinn en engin bein brotin enn sem komið er og hefur hringingum frá Jón fækkað til muna...
Sem er örugglega bara fyrir bestu fyrst maðurinn er með svona óstýrlát hross, hehe get bara ekki beðið eftir að fá mína skvísu inn en ég ætla henni góða hluti í vetur ;)

Sl helgi skrapp ég til Borgarnes ásam Siggu systur og fjölskyldu. Þar var margt masað og skrafað og meðal annars lét snillingurinn hún systir mín út úr sér falla orðatiltækið "Sækjast sér um líkir og heiminn" ... stuttu seinna komst ég að því að hún hafði ætlað að segja "líkur sækir líkan heim" en það kom ekki betur út en svo.

M+P munu svo koma hingað í kvöld ásamt Pílu ponnsinu og er okkur boðið í mat til Ron og Kathy.. spurning hvort pílu verði boðið líka, pæling

Næstu helgi ætla þær Magga Mús og Sedda að kíkja til mín í víkina og mun án efa verða mikið stuð á okkur stöllum.
Á sunnudaginn er svo pælingin hjá okkur Seddu að fjárfesta í saltsíld og fara með í útigangin, smá prófun til að tékka hvort þetta minnki líkur á hnjúskum.

Helgina eftir það munu þær Sigga sis, Svansý, Erna og Linda leggja leið sína til mín og er planið að skrappa! verður án efa feikna fjör ^^

Vildi að ég gæti staldrað lengur og ritað meira en Sigga er víst að fara yfirum á msn... er víst ekki sátt við að ég viti hvaða gjöf Dóri planar að gefa henni í jólagjöf, sérstaklega ekki þar sem ég vill ekki segja henni hvað það er :P

How to be gorgeous

2008-10-21T03:41:00.001-07:00

I think it was Donald Mainstock, the great amateur squash player, who pointed out how lovely I was.
Until that time I think it was safe to say that I‘ve never been aware of my own timeless brand of loveliness, but his words smoked me because you see I am lovely in a fluffy moist kind of way. I walk, let‘s be splendid about this, in a lightly extended could of gorgeousness that isn’t far thought from being simply terrific. The secret of smooth almost shiny loveliness of the way of which we’re discussing in this simple frank creamy soft way doesn’t reside in oils, balms, ointments , creams, milk moisturizers, lineaments, lubricants and precations or balsams to be rather divine for just one noble moment. It resides, and I mean this in a pink slightly special way, in one attitude and mind. To be gorgeous and high and true and fine and fluffy and moist and sticky and lovely all you have to do is believe that you are gorgeous and high and true and fine and fluffy and moist and sticky and lovely. And I believe it of myself. Timidly at first then with mountain heat and passion and because, stopping for a second to be super again, I’m so often tolded.

That’s the secret really.

Hagamús

2008-10-10T02:15:00.001-07:00

Viti menn, ætli það sé ekki smá músangangur hér í vinnunni hjá mér. Eða að minnsta kosti undir vaskinum í "eldhúsinu" en þar er líka ruslafatan og án efa ýmsilegt gómsætt sem hægt er að gæða sér á.

en hún Margrét hér hikaði hvergi, fór í Byko, keypti músagildru og var mýsla litla orðin fangi strax daginn eftir, en þar sem að við erum svo náttúruvæn hér urðum við að sjálfsögðu að nota gildru sem hélt í henni lífinu.
Þetta var nú bara lítið ungagrey sem mig langaði ósköp mikið að taka með mér heim svo það yrði nú eitthvað líf í íbúðinni en ákvað svo bara að leyfa ræstingarkonunni að taka hann. Tel sjálfri mér í trú um að hún hafi nú vonandi farið með hann langt út í móa og sleppt honum þar
- hann var ósköp krúttlegur.

Annars gengur allt bara ágætlega hér í vinnunni, hefur verið fremur rólegt í vikunni en þó hef ég setið tvo fundi og graflað aðeins í fundargerðum og núna er ég að bíða eftir honum Þórði, en hann á víst að koma og sýna mér hvernig ég get fært vinnutíma verktakanna inn í excel skjal því já litla ég á að halda utan um það allt saman og skila af mér skýrslu mánaðarlega, oh joy :P

En það hefur verið mikið að gera í hestastússinu og hef ég verið að fara í sex reiðtúra á dag á mistömdum tryppum og gengur það misvel, bara eins og gengur og gerist, hehe
og er ég komin með amk tvö uppáhalds tryppi þarna og get núna heldur ekki beðið eftir að fá stelpuna mína til mín :)

Klukkuð

2008-10-08T06:25:00.000-07:00

Já allt virðist vera að fara í hringi, Abba tónlist hljómar hæðst... það er kreppa... og núna er víst aftur farið að klukka saklaust fólk á bloggum og er ég víst engin undantekning...

Fjögur störf sem ég hef unnið um ævina:
- Afgreiðslustörf á Hyrnunni
- Sumarafleysingar í sparisjóðnum
- Á lagernum í Sólarfilmu
- Administrative assistant hjá HRV

Fjórar kvikmyndir sem ég held uppá:
- Finding Nemo
- Rocky Horror
- Iron Man
- The Wedding Date

Fjórir uppáhalds sjónvarpsþættir:
- Friends
- Supernatural
- House
- Dexter

Fjórir staðir sem ég hef heimsótt í fríum:
- Spánn
- Danmörk
- Noregur
- Sumarbústaður í sveitinni

Fjórar síður sem ég skoða daglega fyrir utan blogg:
- http://www.hestafrettir.is/
- http://www.facebook.com/
- www.rottweiler.is/spjall
- http://www.mbl.is/

Fernt sem ég held upp á matarkyns:
- Heimagerð Pizza
- Lasagne á la sigga
- kjúklingaréttur á la pabbi
- Kalkúninn á jólunum

Fjórar bækur sem ég les oft:
(ég les sjaldnast bækur oftar en 1x eða 2x en þær sem eru í uppáhaldi eru)
- Dark Tower serían eftir Stephen King
- Monsterous Regiment eftir Terry Pratchett
- Harry Potter bækurnar eftir J.K Rowling
- Þjóð Bjarnarins Mikla eftir Jean M. Audel

Fjórir staðir sem ég vildi helst vera á núna:
- Í heitapottinum heima
- Uppí rúmi
- Uppí hesthúsum
- Á spáni

Ég ætla svo ekki að vera neitt stórtæk í klukkmálum og held ég láti mér bara nægja að klukka hana Siggu systur

Fyrsta vikan næstum hálfnuð

2008-10-07T08:39:00.000-07:00

Þessi fyrsta vika virðist bara vera að byrja vel.

Á mánudaginn fór ég með Margréti í smá skreppitúr, fórum í gamla kanabæinn (keilissvæðið) þar sem hinar skrifstofurnar eru og hitti ég fólkið þar. Svo rúntaði hún aðeins með mig þarna um og fékk maður svona guided tour um það hvernig allt hafði verið þegar hermennirnir voru á staðnum, mjög fróðlegt og skemmtilegt.

Daginn í dag byrjaði ég með því að fara á öryggis námskeið og hef annars verið að baslast í fundargerðum í dag, skrifa inn og setja upp á nýju formi og þess háttar og gengur það bara bærilega. Níels var svo eitthvað að tala um að kannski láta mig fara að sitja einhverja fundi... eða að minnsta kosti snara nokkrum eldri fundargerðum upp á nýja formið.

Í gær (mánud) hitti ég þá Arnar og Jón, en þeir eru mennirnir sem ætla að leigja mér í vetur pláss fyrir hana Álu mína, Því varla hélduð þið að hin litla ég ætlaði að vera hestlaus í vetur?
Þeir eru ágætir strákar, báðir eitthvað í kringum þrítugt, og ég fékk smá hnút í magann þegar ég sá allt blingið hans Jóns en uppá kaffistofu er ekkert nema gullpeningar og bikarar og þar sem að ég mun vera eitthvað að aðstoða hann við tamningar í vetur er ég ansi hrædd um að hann eigi eftir að komast að því að ég kann mun minna en hann....
- og þá er aldrei að vita nema hann geti kennt mér nokkur sniðug og góð trix ^^

Annað í fréttum er að hún Anna ætlar að koma í heimókn í kvöld ^^
Við ætlum sko að elda okkur eitthvað gott, slæpast, horfa á supernatural... og svo þarf hún að vísu eitthvað að lærast smá... en hvað um það. We will have good time, yes.

Flutt til Kef og byrjuð að vinna

2008-10-03T08:29:00.000-07:00

jæja þá er ég nokkurnvegin búin að koma mér fyrir hér í keflavíkinni, hef sofið hér eina nótt og so far er þetta bara fínt.
Að vísu byrjaði fyrsti dagurinn kannski ekki eins vel og ég ætlaði þar sem að allur snjórinn sem kom í nótt runkaði mig aðeins í ríminí. Þannig var að ég beygði aðeins of snemma og endaði alveg á svæðinu þar sem verið var að grafa fyrir grunni álversins... og ég skyldi hvorki upp né niður, mundi sko ekki eftir þessum grjóthnullungum frá því í gær, hehe
En allt reddaðist þetta á endanum og ég fann skrifstofurnar aftur ;)

Ég er nú ekki búin að vera að gera mikið þessa fyrstu tvo daga mína, enda er frekar rólegt akkúrat eins og er og ég á líka eftir að fá öll mikilvægu forritin inn í mína tölvu á borð við ipas og SAP.
Svo þangað til mun ég aðallega bara vera í því að ljósrita, hehe

Hér eru allir voða almennilegir og vinnumórallinn góður sem að skiptir náttúrulega öllu máli, eða svo þykir mér að minnsta kosti. Ég var samt búin að gleyma því hversu óþægilegt það er að vera að byrja í nýju starfi og hafa ekki hugmynd um hvað verið er að tala... á köflum skil ég hvorki upp né niður í því sem Margrét eða Niels eru að tala um, en þetta lærist víst með tíð og tíma.
- Ég er allavega orðin ágætlega lunkin á ljósritunarvélina!

Svo er hugmyndin um að skreppa í Borgó um helgina, en ég á samt eftir að heyra í honum Arnari nokkrum varðandi hestamál, ef hann vill hittast í fyrramálið að þá er ég kannski ekki alveg að nenna að keyra í nesið til að keyra til baka daginn eftir... en það kemur bara í ljós.

Huginn 2ja og ég flyt til Keflavík, Iceland

2008-09-22T14:41:00.000-07:00

Já sælt veri fólkið og takk fyrir síðast.
Í gær var hörkustuð enda var tveggja ára afmælisveisla í gangi hjá engum öðrum en honum Huginn Aðils!
- trúi því varla að litli snúðurinn sé orðinn tveggja ára... times fun when you're having flies, eh

En já það voru kökur og krakkar og gjafir og pakkar og nóg um að stússast og óska ég frænda litla til hamingju með daginn í gær og þakka kærlega fyrir mig.

Í öðrum fréttum þá hef ég verið á ljósmyndanámskeiði síðustu viku og hefur það bara gengið nokkuð vel, er farin að læra eitthvað á þennan rándýra grip minn svo maður ætti að geta tekið myndir með annarri stillingu en 'auto' :P

and best believe it að þá er meira í fréttum. Ég keyrði pabba á flugvöllinn í dag og fór hann til þýskalands... viðskipta ferð segir hann... octoberfest segi ég :P allavega að eftir það skutl fór ég yfir í HRV að ræða þar nokkur málefni við eina steinunni nokkra og viti menn, ætli ég hafi ekki verið að lenda vinnu við helguvíkurverkefni norðuráls!!
- you are reading the blog of the administrative assistant

nokkuð fansy ekki satt ^^

og að því sögðu að þá mun ég flytjast til Keflavíkur um mánaðarmótin.
spennó spennó

Sumir dagar eru betri en aðrir... en ekki dagurinn í dag

2008-09-13T13:10:00.000-07:00

Já ég er orðin dáldið pirruð á þessum degi í dag...
Við systur fórum og ætluðum að athuga með að komast á hestbak. Sem endaði ekki betur en svo að við fengum okkur þriggja klukkutíma göngutúr í gegnum þúfur, læki og eðju í grenjandi rigningu og roki og það var ekki beint gaman, komumst líka að því að stelpurnar okkar voru búnar að rífa undan sér sitthvora skeifuna svo við hefðum heldur ekkert getað farið á bak...

Þegar heim var komið stakk ég mér í langþráð bað og ætlaði mér svo að setja í tölvuna myndband sem ég tók af honum Klæng "mínum" í gær þegar ég fór að skoða hann en það var sama hvað ég reyndi the bloddy machine would not cooperate!
og ég er orðin frekar pisst yfir því.

Gærdagurinn var þó mikið betri þrátt fyrir rúmar 4 klst í bíl, þær voru nefnilega þess virði því við Sedda og Hjörtur fórum að sjá hann Klæng, og mikið rosalega er strákurinn flottur. Við sáum líka nokkur afkvæmi, eina 2ja vetra meri og folöld síðan í sumar sem voru svo róleg, yfirveguð og forvitin.
Algjörar krúttabumbur. Voru mjög falleg með fjaðurmagnaðar hreyfingar, Leist bara þrusuvel á þau.
ýmis málefni voru rædd þarna á fundi og var kjötsúpa í boði hússins.
Meðal þess sem ákveðið var var að stefna á með strákinn á næsta landsmót sem verður árið 2010.. þá er aldrei að vita nema maður mæti, svona þegar maður hefur einhverra hagsmuna að gæta, hehe

Á morgun tekur svo ekkert annað við en að pakka niður í töskur og undirbúa brottför þar sem ég mun flytja heim í föðurhúsin
.. for the time being amk

Skódagurinn mikli

2008-09-10T15:42:00.000-07:00

Í dag fórum við Sedda að raða upp í Perlunni... okkur brá heldur í brún þegar við tókum eftir því að það var skómarkaður þar í gangi!!!

Karlarnir í vinnunni hefðu átt að vita betur en að senda tvær stelpur að raða upp þar sem skómarkaður var en við enduðum að sjálfsögðu á því að skoða alla þessa skó. Þetta voru rosalega flottir og skemmtilegir skór. og ég sem hef alltaf átt rosalega erfitt með að velja skó keypti mér par

erm..... pör

eh... nokkur pör.....

tvenn...... fern.... eh.... *hóst* ...... sex!

ég keypti mér sex pör af flottum hælaskóm!!! somebody help me!
en ég meina þetta var útsala svo ég græddi... hefði þetta ekki verið útsala hefði ég bara getað fengið tvenn pör á sama verði og auk þess verð ég að hafa fína skó ef ég er að fara að vinna á skrifstofu it's a well known fact

Svo verður aldeilis mikið að gera hjá mér um helgina... á morgun er ég að fara með stelpunum út að borða og í bíó, á föstudaginn er ég að fara með seddu leeengst upp í sveit að fá að sjá hestinn sem við vorum að kaupa hlut í, á laugardaginn er ég að fara í afmælisparty og á sunnudaginn fer ég til siggu að skrappa og þarf líka að klára að pakka niður þar sem ég fer þá aftur í Borgarnesið!
- Hvenær ætli ég hafi tíma til að fara niður í bæ, kíkja á þessa skemmtilegu skota og lyfta upp nokkrum pilsföldum ^^

Sing-a-long!

2008-09-06T13:25:00.001-07:00

Í gær brunuðum við Sedda til Borgarness og áttum bara grefilli næs kvöld með miklu nammiáti og hryllingsmynda stemmingu.
En hún fékk að gista hér og fór svo í stöðumat upp á Mið-Fossa hér rétt fyrir utan hvanneyri fyrir námið sem hún hyggist stunda þar í vetur.

Hún er nú af stungin aftur í höfuðborgina og skyldi hana litlu mig eftir í sveita sælunni. Ég get lítið kvartað. Hér grilluðu foreldrarnir þennan dýrindis humar ofaní mig og planið er að fara í heita pottinn á eftir og láta allt þetta blessaða stress varðandi íbúðar og vinnu mál líða úr sér.
Ef ég á að segja eins og er að þá er ég búinn að vera algjör stress bolti síðast liðna viku og varla sofið á næturnar... I think way too much og er örugglega að hafa meiri áhygjur af þesu en ég þarf að hafa, but here they are and seem to be pretty comfortable

En hvað um það.
Við náðum aðeins að fylgjast með Meistaramóti Andvara í gær, en þá var hann Klængur "minn" að keppa... missti því miður af honum þar sem að við Sedda þurftum að drífa okkur í nesið en karlinn lenti í 5. sæti og mun keppa til úrslita á morgun.. aldrei að vita nema maður fái að sjá hann þá. Ef ekki að þá mun ég amk sjá hann á föstudaginn eftir viku ásamt hinum hluthöfunum :)
Bara vona að hann standi sig sem best þó ég hafi nú ekki trú á öðru.

Svo má nú ekki gleyma að minnast á það að á sunnudaginn munu ég, mamma, pabbi og Sigga systir fara í bíó, ekki hvaða bíó sem er heldur á Mama Mia myndina... Sing-a-long!
That's right, við munum syngja af öllum lífs og sálar kröftum með blessuðu ABBA lögunum.
- Þetta á bara eftir að vera gaman!

Margt að ske

2008-09-04T12:09:00.001-07:00

Já það er nú margt að ské hér á þessum bæ.

Næsta vika verður að öllum líkindum sú síðasta sem ég starfa í Sólarfilmu en svo er ég ekki alveg viss hvað tekur við..
Ég fór í atvinnuviðtal á mánudaginn sem gekk mjög vel og er nokkuð viss um að fá þá vinnu en það eina sem gæti staðið í veginum eru íbúðarmálin.

Þannig er með mál og vexti að þessi vinna er í Keflavík og er pabbi hugsanlega að fara þangað líka. Þeir vilja allavega fá hann í vinnu og hann vill vinna þarna með því skilirði að þeir reddi honum íbúð... eitthvað hökt hefur verið á því svari svo ég bíð enn í óvissunni um það hvað nánasta framtíð hefur fram að bjóða.

Á morgun ætlum við Sedda svo að skreppa til Borgarnes, en hún er að fara að hefja nám við Hvanneyrarskóla sem kennt er eina helgi í mánuði. Hún fær að gista eina nótt, en svo kem ég til baka í bæinn með mömmu og pabba á sunnudeginum en þá skilst mér að við séum á leiðinni á mama mia sing along sýningu í bíó!
- verður örugglega rosa stuð ^^

Alltaf er eitthvað að frétta af hestamálunum hjá mér... í síðustu viku höfðum við systur hug á að vera duglegar að stunda hrossamennskuna.. en útaf fúlum girðingarföntum og leiðinda hrossum komumst við hvorki lönd né strönd þar sem hrossin voru komin leeeeeengst í burtu. Við leituðum og leituðum og héldum helst að þau væri horfin inn í hestavíddina, en daginn eftir fundu kristján og hulda þau einhverstaðar lengst í burtistan... nota bene þetta er þúsund hektara land!

Svo hefur mín hug á að fjárfesta örlítið... en þá er pælingin að festa kaup á einum hlut í stóðhestinum Klæng frá Skálakoti, þeim glæsihesti.
En það mun ég einungis gera ef allt gengur upp varðandi Keflavíkina og starfið þar
- leave it up to chance one might say :P

Annað skemmtilegt í fréttum er að góðvinur minn hann Dr. House byrjar aftur í kvöld ^^
ég er mjög lukkuleg með það enda var ég farin að sakna hans þó nokkuð.

Svo má ég náttúrulega ekki gleyma að nefna litla augasteininn minn hann Huginn Aðils. Ég var að passa hann í fyrrakvöld.
Svo virðist sem að hann eigi í einhverjum erfiðleikum með að bera fram nafnið mitt og kallar mig sjú-sjú, sem er rosalega krúttlegt, sérstaklega þegar hann var að baslast við að koma sér í skónna mína og sagði í sífellu "sjú-sjú gór! sjú-sjú gór!"

What can I say, the child is a cutesie, tutsie roll :P

loksins, loksins, langþráð blog

2008-08-25T11:47:00.000-07:00

Jæja þá hefur maður komið sér fyrir framan tölvuna og ákveðið að blogga. Margt hefur nú gerst á þessum tæpum tveim mánuðum síðan ég bloggaði síðast.
Tvítugsafmælið kom og fór, það var fámennt en góðmennt og fékk ég fullt af flottum gjöfum ;)

Allt hefur verið á fullu í vinnunni enda mikið túrista-season en það er farið að hægjast niður og erum við Sedda tvær eftir núna, en bæði Snæji og Magga eru byrjuð í skóla.

Sedda byrjar svo 6. september en hennar námi er þannig háttað að hún fer bara eina helgi í mánuði í skólann ásamt því að hafa fjarnám svo hún ætlar eitthvað að halda áfram í sólarfilmu í vetur.

Sjálf... tjah allt er enn óráðið varðandi mig eins og vanalega, hehe

Síðastliðnar tvær vikur hef ég svo verið búandi á miklubrautinni að passa þar hund og ketti og gekk það bara mjög vel en skilaði ég svo íbúðinni í gærkveldi þegar skötuhjúin þau sigga og dóri homu aftur heim úr brúðkaupsferðinni, já ætli þau hafi ekki loksins skellt sér í hnapphelduna og óska ég þeim til hamingju með það enda var brúðkaupið sem og veislan einstaklega vel heppnað og mjög gaman, fólk er enn að tala um þetta ;)

Það er þó skonndið að nefna það að í síðustu viku þegar ég var á leiðinni heim úr vinnunni þurfti ég að taka mér smá stund til að rifja upp hvert ég væri eiginlega að fara enda hef ég búið á þónokkrum stöðum undanfarna 6 mánuði

Borgarnes - keilufell - njörvasund - leiðhamrar og svo gamla góða miklabraut... ekki furða að maður ruglist stundum í ríminí

Af hestunum er það að frétta að Ála og Lilja hafa heldur betur fengið að njóta sumarsins enda hafa reiðtúrarnir verið MUN færri en maður hefði viljað... ætla þó að reyna að plata hana systu í einhverja reiðtúra áður en maður rífur undan fyrir haustið.

Annars er Veröld litla bara sú hressasta og unir sér vel úti í haga að stækka og fitna, farin að verða ansi myndarlega sú skotta.

Allt gott er einnig að frétta af Pílu-ponsinu. Nema það að hún var ekki par sátt um helgina þegar ég kom heim með Loka, en þau höguðu sér bæði mjög vel..

Það kárnaði samt gamanið hjá Pílunni þegar þurftu að baða hana eftir langan og blautan göngutúr undir hafnarfjalli.. hún sat lúpuleg með hausinn niður, titrandi meðan baðað var og svo var komin tími á að baða Loka...

Ég kalla á strákinn og segi honum ítrekað að fara í baðið, hoppa upp, í baðið en það kom nú fyrir ekki þegar allt í einu hleypur Píla framhjá okkur þar sem ég er að glíma við loka og stekkur í baðið!! gersamlega miður sín yfir að þurfa að fara aftur í bað :P

- óhætt að segja að hún sé hlýðin blessunin.

en svona í lokin ætla ég að skella inn einni skemmtilegri mynd sem náðist úr brúðkaupinu ;)

Mánuður!

2008-06-28T14:22:00.000-07:00

Ó já, það er tuttugasti og áttundi júní í dag sem þýðir að það er mánuður í tvítugsafmælið mitt !!
Ég bara get ekki beðið, the big 2 - 0 !
og þá skal sko rölt inn í ÁTVR og keypt sér smá áfengi ^^

Svo er náttúrulega verið að plana partý sem skal haldið í tilefni stórafmælisins sem mun vonandi heppnast vel, helsta málið er samt að finna þema.... það gengur ekki vel, ég er alveg hugmyndasnauð það kom að vísu ágætis hugmynd frá henni Möggu um að hafa 80's þema en ég er samt ekki alveg viss, ef einhver hefur hugmyndir endilega deila ;)

Í dag fórum við mamma og Sigga með Huginn litla að kaupa á hann föt fyrir brúðkaupið í ágúst.. ekki nema sex vikur í stóra daginn og manni er sko farið að hlakka mikið til en líka smá kvíði enda mikið eftir að gera en þetta á bara eftir að vera frábært ^^

Annars er allt við sama heygarðs hornið, nema að hestarnir hafa verið í fríi núna í nokkrar vikur og mig er nú eiginlega farið að hlakka dáldið til að geta komist aftur á bak.
Já og svo er ég hugsanlega eitthvað að fara að búa með henni Önnu Maríu næstu vikurnar, held að það verði nú bara stuð á okkur stöllum
10th kingdom marathon og þess háttar ;)

Tíminn líður hratt á gervihnatta öld

2008-06-21T13:21:00.000-07:00

já gott fólk það er bara kominn 21. júní believe it or not, þjóðhátíðardagurinn kominn og farinn og ég fékk enga gasblöðru þetta árið :(
En hún Anna María stóð sig svo glimmrandi vel sem fjallkona að það er bara ekki annað hægt en að klappa fyrir því *klapp, klapp*

við systur fórum í sleppitúr 15. júní svo núna eru gobbalínurnar okkar komnar upp í sveit og bíta þar grasið af áfergju. Fegnar því fríi sem þær fá meðan þær eru að venjast fóðurbreytingunum en ég býst við að fara aftur á hestbak í júlí.
Sleppitúrinn var náttúrulega bara snilld, 4,5 klst á hestbaki og veðrið eins og best var ákosið og ekki hægt að kvarta undan neinu nema aumum rössum, hehe

Ég hef verið frekar léleg að mæta í boot camp sl tvær vikur sökum veikinda... fékk leiðinda hálsbólgu sem þróaðist upp í gífurleg hóstaköst sem færði sig svo aftur í hálsbólgu sem er svo gott sem farin núna sem betur fer... hélt ég ætlaði aldrei að losna við þetta... það er bara eitthvað svo rangt við að vera lasin á sumrin.
En maður getur þó byrjað aftur að Boot campast á mánudaginn... úff... farið að hálf kvíða fyrir harðsperrunum sem ég á eftir að fá eftir þetta "frí"

Föstudagurinn 13. !

2008-06-13T10:42:00.000-07:00

Já kæru lesendur, í dag er föstudagurinn þrettándi!
- hafið þið lent í einhverjum óhöppum í dag?

Enn sem komið er virðist ég hafa sloppið, en klukkan er bara að verða 6 svo það eru enn 6 tímar til stefnu...vona samt að það gerist ekkert neitt mjög hræðilegt.

Ég sá nú samt eitt alveg hræðilega fyndið í dag. Var fyrir utan sjoppu hér í höfuðborginni þegar ég sé mann sem á í basli með bílinn sinn, greinilega rafmagnslaus og það hafði nú einhver miskunnað sér yfir hann og ætlað að gefa honum rafmagn.
Teknir eru upp glænýjir startkaplar, rifnir úr plastinu á staðnum og alles. En snillingurinn drap ekki á bílnum þegar hann var að tengja kaplana... sem tjah er kannski ekkert svo svakalega alvarlegt nema hvað að hann setti + í - og - í + sem olli miklu neistaflugi og reyk og ég sver að snúran bara datt einhvernvegin í sundur!

og eins illkvittin og ég er að þá fór ég að skellihlægja.. að vísu ekki í opið geðið á þeim, tölti aðeins frá og hló þar... þetta var bara svo skelfilega fyndið *devilish grin*

Þessi bölvaða hálsbólga og hósti sem ég er með þó er ekki jafn mikil skemmtun og þetta atvik sem ég sá í dag og ég svaf frekar lítið í nótt sökum þess að ég var alltaf að vakna og hósta... ekkert lítið pirrandi, spurning hvort að ég hafi nokkuð haldið vöku fyrir hinu fólkinu á heimilinu því að þetta er svo hljóðbært hús að það hálfa væri náttúrulega hellingur :P

Sumarblíða

2008-06-11T13:19:00.000-07:00

Já það er nú aldeilis búið að vera mikil sumarblíða þessa dagana og alls ekki hægt að kvarta yfir því ^^

en ég get þó kvartað yfir því hversu margir fullorðnir einstaklingar sýna fram á það ábyrgðarleysi að vera úti að hjóla með börnum sínum og enginn notar hjálm! ekki foreldrarnir og ekki börnin!
held að ég sé búin að sjá amk 6 börn núna bara á tveim dögum á aldrinum 6 og upp í ca 12 ára úti að hjóla, oftast í fylgd með fullorðnum, og þau nota ekki hjálm, ég bara skil þetta ekki...

Annars er mest lítið að frétta.. ég fór jú til tannsa á föstudaginn og hann vildi ekkert gera þar sem jaxlinn er enn svo neðarlega, en hann tók þó í burtu vír sem ég er búin að vera með uppí mér í nærri tvö ár, eða síðan síðasta barnatönnin mín var dregin... já... ég var enn mað barna tönn þegar ég var 18 ára ^^

Kvöl og pína

2008-05-27T15:30:00.001-07:00

já ég get sko sagt ykkur að það er ekki tekið út með sældinni að fá endajaxl!
er vægast sagt illt í munninum, erfitt að borða, er komin með munnangur þarna líka og svo mikla bólgu að hálskyrtilinn þarna er líka orðinn bólginn svo ég er að taka jaxl, með hálsbólgu og munnangri.... triple trouble.

Annars er ég stödd heima hjá siggu systur að passa Huginn litla. En þau skötu hjú skruppu í bíó að sjá nýjustu Indiana Jones myndina, hlakka mikið til að heyra gagnrýnina enda stefni ég á að já hana um helgina ;)

En hér er svaka stemming hjá okkur Loka. Ég horfandi á The Fying Circus og hann með hausinn út um kattarlúguna geltndi á fólk... en Huginn sofnaði fyrir þó nokkru síðan.

jæja... ætla að halda áfram að horfa á the flyinc circus ;)

Holtsmúlaferð

2008-05-21T12:35:00.000-07:00

Það var tiltektardagur á Holtsmúla sl sunnudag og það var aldeilis nóg að gera, en það hafi fokið þak af einhverjum kofa í vetur og glerull sem var geymd þar inni fauk út um allt tún svo við fengum að dunda við það að tína upp ullina í ca 3 klst......

Svo rusltýndum við í skurðinum, kíktum á gobbalingana og brunuðum um á fjörhóli svo að þetta var dáldið gaman ;)

Og talandi um gobbna að þá hefur hún Veröld heldur betur stækkað, tjah eða aðallega breikkað og á ábyggilega eftir að verða stórmyndarleg gella með þennan líka fína pönkara topp, hehe

Hún er ekki spök úti í haga (ekki enn amk) svo ég náði ekkert að klappa henni né kemba, en hún hætti sér nógulega nálægt til að þefa aðeins af mér :P

En já svo er allt að gera sig í Boot campinu, æfingar 3x í viku. Maður er kannski ekki alltaf að nenna á þessar æfingar en svo þegar maður er mættur þá er þetta rosa gaman ^^

Að vísu lenti ég í smá lífsháska í dag þar sem að gella á rauðum yaris var næstum búin að bakka á mig!

var að koma úr upphituninni og á leiðinni aftur inn þegar ég heyri Bigga þjálfara kalla "Passaðu þig! hún bakkar á þig!!"

Ég rétt náði að stökkva frá og áfram bakkaði ökustýran og klessti á staur sem var þarna aðeins fyrir neðan.... hafði hún þá ekki verið önnum kafin við að kveikja sér í sígarettu!

Kannski tók hún ekki eftir því að hún væri að renna aftur á bak eða eitthvað en ég meina samt... dí....

Annars er mest lítið að frétta, annað en að það að mér skilst að það sé víst komið ár síðan júróvision var síðast þannig að júró keppnin verður núna á laugardaginn með djúp steiktum kjúkinga bitum á la pabbi, sem er bara gott ^^

Væri þó extra gaman ef maður kæmist svo upp úr forkeppninni og yfir í aðalkeppnina svona til tilbreytingar, en það skýrist þó vonandi á morgun. :P

Komið sumar?

2008-05-14T12:57:00.000-07:00

Já það er sko sannarlega búið að leika við mann veður blíðan sl daga og það er bara yndislegt :D

Hassperurnar eru allar að lagast, en samt var heldur betur tekið á því í BC í dag og aldrei að vita nema maður fái nokkrar fleiri á morgun....
Sedda vinkona hóf störf í Sólarfilmu í gær og hún stendur sig nú bara nokkuð vel, enda er hún að vinna með svo skemmtilegu fólki ;)

Pabbi labbi er líka bara allur að hressast, fer í aðgerð í fyrramálið og við óskum honum góðs gengis og vonum að hann komist svo eitthvað heim i nesið um helgina.

og talandi um helgar þá var hvítasunnu helgin bara æðisleg. fór í BC á föstudeginum og laugardeginum, og á hestbak. Skrapp heim í borgarnes og þar grilluðum við mæðgur og áttum góðar stundir. Klifum meira að segja "langleiðina" upp á hafnarfjall og hittum m.a einn af hvolpunum hennar Pílu.
Píla var ekki alveg jafn ánægð með þessa endurfundi og ég. En það er óhætt að segja að dóttir hennar er einstaklega falleg.

Þessa helgi verður svo vonandi farið með Seddu og hennar famelíu austur og kíkja á gobbana þar, taka til í haganum og þessháttar.
hlakka mikið til að Sjá hana Veröld mína aftur, hefur án efa stækkað síðan síðast og vonandi komin í sumarfeldinn ^^

Djöbbans hassperur!

2008-05-08T14:47:00.000-07:00

Jæja, er stelpan þá ekki byrjuð í Boot Camp og það gengur ekki betur en svo að eftir einn og hálfann tíma (mætti seint í fyrsta tímann) þá get ég varla hreyft mig fyrir hassperum eða harðsperrum for you picky ones.

en það þýðir víst að ég er að taka á því og það á að teljast jákvætt en persónulega sé ég fátt jákvætt við þetta þegar ég get varla labbað upp né niður stiga, spennt bílbeltið eða varla þvegið á mér hárið

og þar til að þessar hassperur lagast býst ég við að ég þurfi bara að halda mig við jarðhæðir, keyra varlega og hafa skítugt hár, hehe

En þetta er bara allt saman jákvætt og mig hlakkar mikið til að komast í fanta flott form fyrir brúðkaupið í sumar, því ó já ég fjárfesti í sumartilboðinu og verð að fram í september!!

- þeas ef ég verð enn á lífi, hehe

En það er heldur betur búið að vera mikið að gera núna þessa viku, pabbi búinn að vera á spítalanum útaf nýrnasteinaaðgerðinni og er hann allur að hressast kallinn sem er bara frábært, stórt knús á hann.

Svo er það náttla boot campið og vinnan.
Hesthúsið hefur setið aðeins á hakanum, en í dag skrapp ég uppeftir og þrátt fyrir hassperur og harðsperrur fór ég í reiðtúr og það var sko alveg þess virði í góða veðrinu :D

Þær voru líka svo glaðar að fá að komast út, og þá sérstaklega Lilja að hún varð að fá að sýna sig aðeins stelpan

Byrjaði sko á því að hoppa hæð sína

og svo var rokið af stað!

Ála skildi nú ekkert í þessum látum í henni, potaði bara í mig með snoppunni og bað um nammi/klapp :P

Gleðilegt sumar

2008-04-24T15:53:00.000-07:00

Já sumardagurinn fyrsti bara í dag svo ég óska öllum gleðilegs sumars!

Var að vísu frekar mikil rigning í dag en það er víst gott fyrir gróðurinn því ég sé grængresið spretta í offorsi hér og hvar, hlakka mikið til sólríkra daga í sumar :D

Vona að þið hafið haft það sem best í dag

allt má nú gera manni

2008-04-21T14:28:00.000-07:00

Já það var svo sannarlega nóg brasað um helgina.

Á föstudagskveldinu eftir að hafa skroppið í borgarnes og aftur í r.vík hóf ég að skrappa með henni systur minni og ég er líklegast komin með bakteríuna. hendi kannski inn þessum tveim síðum sem ég náði að skrappa við tækifæri, mér finnst þær allavega hafa tekist ágætlega.

Jæja svo á laugardags morgninum var farið með Siggu systur í brúðarkjólaleigu og viti menn eftir að hafa mátað ca 6 kjóla fann hún þann sem þóknaðist henni og var hann alls ekki að verri endanum, virkilega fallegur kjóll!*
Einnig var fundað með Rannsý og mömmu varðandi skipulag á brúðkaupinu og er þetta allt í rétt átt.

Um kvöldið fór ég svo ásamt fríðu föruneyti út að borða á Caruso, sem var bara æðislegt. Fékk mér snigla í forrétt og lasagna í aðalrétt, sniglarnir voru snilld Anna vildi nú ómögulega smakka en þá var bara meira fyrir mig ;)

Eitthvað var rölt um bæinn eftir matinn, við Anna stungum svo af og kíktum lítillega á Broadway en þurftum svo að halda af stað þar sem að hún átti að vinna á Matstofunni í Borgarnesi um kvöldið. ég fór með henni og var þetta bara ágætasta road trip.
Svo hékk ég í ca 2 klst á Matstofunni þar sem við spiluðum og horfðum á Hidalgo, sem var bara mjög fínt.

Í morgun þegar við komum í bæinn skutlar Anna mér í breiðholtið þar sem að bíllinn minn beið mín... Með sprungið á einu framdekkinu!! það var alveg flatt!
og ég var ekki sátt.

Anna gerðist þó svo yndisleg að skutla mér niður í vinnu og sótti mig aftur að vinnudegi loknum.
svo kíkti ég aðeins á pabba labba á spítalann, en hann er búinn að vera þar síðan miðvikudaginn síðasta og er að jafna sig eftir nýrnasteina aðgerð.
Hann er ótrúlega harður að sér og duglegur karlinn. algjör hetja.

Þegar ég var komin aftur heim til Sólrúnar frænku þá dró ég Hauk með mér að skipta um dekk á bílnum. hann lenti í einhverju veseni með rærnar en allt hafðist þetta þó á endanum og ég get bætt við að skottið var fullt af vatni undir hjá dekkinu ... don't ask me how... don't ask me why ... you don't know you do drugs.

2008-04-13T06:38:00.000-07:00

jæja þá er komin rétt rúmlega vika síðan dramatíkin með burrann minn átti sér stað og þökk sé nýja Reley dæminu að þá hefur hann hagað sér eins og engill sem ég er mjög ánægð með ^^

Annars hefur þessi helgi bara verið mjög fín. Á föstudeginum eftir vinnu skrapp ég aðeins í kringluna sem ég hefði hugsanlega ekki átt að gera þar sem ég eyddi eiginlega of miklum pening í ný föt *roðn*
... það getur verið erfitt að vera stelpa

Svo um kveldið fór ég í tvítugsafmælis partý í breiðholtinu en þá var verið að fagna því að Þórhildur væri orðin löglegur alki óhætt að segja að það var mikið stuð í partýinu. Sungið Stephen Lynch og svona :P

Á laugardeginum var planið að við Sigga myndum fara í massífan reiðtúr.. eitthvað inn í heiðmörk en ætli stelpan hafi ekki bara bailað á litlu systur sinni, sem er ekki nógu sniðugt.
í staðinn renndi ég bara í Borgarnesið og hitti Önnu. Við fengum okkur að borða, spjölluðum og spiluðum svo playstation öskrandi, hlaupandi og flýjandi undan morðóðum orkum, hehe bara gaman ;)

Svo í dag.. hmmm... hvað á að gera í dag.
Er eiginlega bara að gæla við að skella mér í heita pottinn og taka bara chillið á þetta. Maður verður jú að vera upplagður fyrir að horfa á Boston Legal í kvöld.

ó og btw þá sá ég teikningarnar sem Dóri gerði að húsinu sem þau eru að hugsa um að byggja. Bara flott, lýst vel á.
Eina sem er að það mætti bæta herbergi fyrir ofan bílskúrinn þar sem ég get fengið að búa, hehe

So far so good

2008-04-07T05:35:00.000-07:00

Jæja þá er ég komin aftur heilu og höldnu í höfuðborgina. Burri startaði sér í morgun and there was much rejoycing... yay.... Svo startaði hann sér aftur í hádeginu and there was even more rejoycing ... yaaay... og hann drap líka alveg eðlilega á vélinni svo við getum sagt að það hafi verið mikið re-að og joy-sað hehe

Annað sem er að frétta frá helginni er það að ég hef ákveðið að fara með hana Álu undir stóðhest í sumar og stefni ég á að fara með hana til Vestra frá Skipanesi.
Hann er mjög fallegur klár á fjórða vetri undan Glampa frá Vatnsleysu, rauð skjóttur, stór með góða byggingu, gott geðslag og mikla lyftu.Hann er að vísu klárhestur en ég er ekkert að kippa mér mikið upp við það þar sem hann er jú farin að stíga í töltið ;)

Fyrir ykkur sem hafa ekki hugmynd um hvað ég er að tala um hér að ofan þá getið þið bara skemmti ykkur við að horfa á þessa fallegu myndir af þessum fallega hesti.

En þetta mun vera hann Vestri kallinn ;) algjör sjarmör ekki satt?

Andsetinn Burri

2008-04-04T15:55:00.000-07:00

Já gott fólk, það hefur verið dáldið bíla vesen á mér þessa vikuna og í dag var ég farin að halda að blessaði burinn minn væri andsetinn!

Þetta byrjaði allt saman á laugardaginn fyrir rétt tæpri viku síðan.
Ég sem sagt kem heim í Borgó úr R.vík á föstudeginum ... á leiðinni fannst mér hafa komið smá reykur úr stýrinu en engin eldur og engin lykt svo ég ályktaði bara sem svo að þetta væri rykið sem hefur á dularfullan hátt komið sér fyrir í bílnum mínum.

En svo á laugardeginum þegar ég ætlaði að skutlast eitthvað þá var ekki möguleiki á að finna lífsmark í burra og pabbi í R.vík svo það varð að bíða fram á sunnudaginn.
Sunnudagurinn rennur upp og pabbi startar með köplunum, hann tók þá eftir að það vantaði einhverjar 2 skrúfur hjá alterarotnum (I learned a new word!) og telur að þessvegna hafi rafmagn lekið út eða eitthvað álíka,
hann fær skrúfur, festir í og allt ætti að vera í lagi, en því miður þegar ég legg af stað í bæinn seinna um daginn að þá er burri aftur dauður
Fær hann þá aftur kaplastart og talið að hann hafði ekki náð að hlaða sig nóg, ætti að gera það á leiðinni í rvk.

Allt virtist ætla að ganga að óskum, hann fór í gang á mánudagsmorgninum og ég komst heil á höldnu í vinnuna eeeeeeen þegar ég ætlaði að skreppast í hádeginu þá var minn dauður...
Ég hringí í pabba gamla sem hringir í þá hjá Ingvari Helgasyni og ég má koma með bílinn í tékk eftir vinnu.
Ég fæ start og bruna til Ingvars Helgasonar. Þar segi ég frá gangi mála og bíð í 20 - 30 mín meðan allt er mælt og athugað.
Segir mér þá maður að rafgeymirinn sem og alteratorinn séu orðnir vægast sagt lélegir og ég ætti að byrja á því að skipta um rafgeymi, ef hann lætur enn kjánalega þá skuli ég láta athuga alteratorinn og hann gefur mér nafnspjald hjá einhverju fancy verkstæði sem gæti gert þetta fyrir mig

Ég hringi auðvitað í pabba gamla sem segir mér að fara á N1 og fá nýjan rafgeymi þar... þar var ekki til í minni stærð, svo ég sendist á Olís í glæsibæ, tjái þeim að ég hafi ónýtan rafgeymi og vanti þar af leiðandi nýjan.
Kemur eldri maður með mælitæki og mælir geyminn sundur og saman og segir að það sé nú ekkert að þessum geymi en hugsanlega þyrfti að skipta um kol í alteratornum og sendir hann mig á verkstæði þarna rétt hjá þar sem ég var beðin um að koma aftur næsta dag. Sem ég og gerði.

Þar fór maðurinn yfir vélina og komst að þeirri niðurstöðu að það væri bara ekkert að honum, en bætti við vatni á geyminn... það var eftir að hann spurði hvort ég hefði ekki bara gleymt einhverjum ljósum á honum... það hefði ég kannski samþykkt ef þetta hefði gerst einu sinni, en ekki 3x á þremur dögum!

Síðan þá hafði allt gengið glimmrandi vel. Burri hagað sér skikkanlega og ávallt farið í gang. Þar til í dag.
Eftir vinnu geng ég út í bíl og þegar ég sest inn sé ég hvar þrjú ljós loga í mælaborðinu þrátt fyrir að enginn lykill væri í svissnum... fannst þetta fremur duló og þjösnaðist bíllinn dágóða stund áður en hann fór í gang, auðvitað hringi ég í dear old dad og segir hann mér að fara beina leið í ingar helgason sem ég og geri og segi þeim sólarsöguna. Með áherslu á ljósunum sem loguðu en þar er mér bara sagt að ég hafði komið á mánudeginum og hann sæi að ég ætti bara að láta skipta um rafgeymi og alterator og gefur mér aftur nafnspjaldið hjá verkstæðinu og bætir við að ég eigi bara ekkert að fara með bíl á bensínstöð í mælingu.
svo bara bless og mér leið eins og algerum bjána...

í þetta sinn svaraði pabbi ekki símanum sínum svo ég skrapp og fékk mér að borða og svoleiðis þar til hann gat hringt í mig, en í millitíðinni gerðist það að ég sem sagt stoppa bílinn og býst til að drepa á honum, sný lyklinum og tek hann úr. ljósin slökkna og útvarpið þagnar en vélin hélt áfram!
ég sting lyklinum aftur í og sný í báðar áttir og loksins slökknaði. pabbi hringir og segist ætla tala aðeins yfir hausamótunum á ingvarsmönnum *stolt*

Eftir að hafa farið á hestbak heyri ég í pabba og að ég má víst koma með burra í tékk eftir helgi. allt í lagi með það og ég bruna í Borgó.
Þegar ég var undir Esjunni fannst mér sem reykur kæmi aftur upp frá stýrinu, en sem og fyrri daginn þá var engin hiti, engin eldur og engin lykt.... og nokkru seinna hætti þetta...

allavega, ég renn í hlað heima og býst til að drepa á bílnum... ljósin slokkna og útvarpið þagnar en vélin heldur áfram! og sama hvað ég þjösnast á lyklinum í svissinum þá bara heldur vélin ávallt áfram!
Ég fer með hann á eitt af verkstæðunum hér þar sem einn maður skoðaði hann og fann ekki hvað þetta hefði getað verið... annað en að bíllinn væri á lyfjum, spýtti eða eitthvað álíka.. (ég taldi hann frekar vera andsetinn) og benti mér á að fara á hitt verkstæðið sem ég og gerði, mátti koma með hann aftur eftir hálftíma.
Þá var pabbi kominn heim og hafði skoðað hann og myndað sér skoðun á því sem gæti verið að. hann og verkstæðisgaurinn ræddu málin og við skildum bílinn eftir í góðum höndum.

um klukkustund síðar er komið aftur með bílinn til okkar, hafði hann þá fundið eitthvað að ljósa reley-inu (lærði annað orð!) þannig að þó að ég svissaði af bílinn þá var eitthvað skammhlaup í þessu þannig að það virtist enn einhvernvegin tengja framhjá og halda vélinni gangandi. mjög líklega líka það sem gerðist þegar dularfullu ljósin kviknuðu í mælaborðinu.

Skipti sá góði maður um reley og núna á allt að vera komið í lag
7-9-13

Gleðilega Páska

2008-03-24T12:15:00.000-07:00

Jæja núna er komin annað í páskum og á morgun verða páskarnir liðnir undir lok þetta árið .. sem er frekar leiðinlegt, persónulega finnst mér að páskafríið ætti að vera lengra en maður verður víst að láta sér duga það sem maður hefur.

Páskarnir voru nú bara teknir í rólegheitum, helminginn af páskafríinu var ég í njörvasundinu að húspassa fyrir tengdaforeldra systur minna. gefa kisunum að éta og horfa á animal planet ^^
Svo skrapp maður í borgarnesið, fór í fjöruferð með mömmu pabba, siggu og hennar fjölskyldu. Það var bara stuð, einnig fékk maður páskaegg. Strumpapáskaegg. nr fimm... með körfuboltastrumpi :D

Svo hefur maður líka farið aðeins á hestbak, við systur fórum í dag niður í heiðmörk og til baka. veðrið var æði þó það mætti nú vera aðeins hlýrra.

Einnig er nú möguleiki á að mér hafi tekist að selja 2 myndir... eina til skátanna í borgarnesi, mynd af blómi sem fer hugsanlega á skátaskeyti og svo er það hann Tolli, yfirmaður minn en það er möguleiki á að hann vilji fá eina hestamynd frá mér og setja á póstkort ^^

Hvenær kemur vorið?

2008-03-07T12:00:00.001-08:00

Já ég er nú vægast sagt orðin leið á þessari veðráttu, var í raun rosalega hamingju söm í gær þegar það rigndi og allur snjórinn fór en varð fljótlega aftur óhamingjusöm í morgun þegar ég sá allan snjóinn úti... hvað á þetta að fyrirstilla og hvenær kemur vorið??

Annað í fréttum er að ég er búin að vera veik síðast liðna daga, var með frekar leiðinlega hálsbólgu og talaði eins og strákur í mútum í amk 4 daga. Einnig tók ég fermingarmyndir af stelpu sem heitir Ísfold og ég held að það hafi bara heppnast nokkuð vel, allavega voru mæðgurnar frekar ánægðar með afraksturinn.

Svo það skrítnasta var náttúrulega það þegar tengdamamma systur minnar hafði samband við systu og spurði hvort að ég gæti passað húsið þeirra og kettina í ca 10 daga meðan þau fjölskyldan færu erlendis... finnst þetta nokkuð magnað og auðvitað alveg sjálfsagt, ég meina þau hafa gervihnattadisk og animal planet, need I say more?

..og svo bara páskar!

2008-02-21T13:36:00.000-08:00

Innilega er manni óhætt að segja að tíminn líði hratt, febrúar fer senn að líða undir lok og svo bara páskarnir í næsta mánuði og sumarið þar á eftir.
Verð að játa að mig hlakkar mikið til að sumarið komi og það yrði æðislegt af sumarið í ár myndi vera eitthvað í líkingu við síðasta sumar, en ég er sko vægast sagt komin með leið á þessum snjó og snjóhreti sem búið er að vera viðloðandi síðast liðnar vikur

Var mega sátt þessa daga sem rigndi og allur snjórinn fór en núna segir Siggi Stormur að hann sé að koma aftur?!? ekki alveg jafn sátt með það.

Huginn er komin á fulla fart í gipsinu sínu og hörku dúlegur, enda ekki langt að sækja það enda var móðursystir hans í gipsi heila 3 mánuði af síðasta ári, má hann þá þakka fyrir að þurfa bara vera í því í 6 vikur :P

Píla var svo í ófrjósemisaðgerð á föstudeginum fyrir viku síðan og hún er nú bara ótrúlega brött stelpan, er víst farin að stökkva upp í sófana heima og svoleiðis ... hehe

Annars er mest lítið að frétta, bara þetta vanalega held ég.. vinnan og hestbak er svona það helsta sem spannar sólarhringinn manns og uni ég því bara vel enda í skemmtilegri vinnu og á skemmtilegan reiðhest ;)

Svo eru pælingar um framhaldið samt að gera mann frekar pirri-pú, sérstaklega þegar maður hefur ekki glóru um hvað mann langar að gera...
væri ekki leiðinlegt að opna fyrsta dýra-ljósmyndunar-stúdíóið hér á landi bara spurning hvort það sé markaður fyrir því

og ég held að það væri heldur ekki leiðinlegt að vera hjúkka á dýraspítala.. það er ekki eins langt nám og dýralæknirinn en örugglega ekkert léttara og spörning hvort maður meiki alla þessa efnafræði, svo ekki sé talað um blóðið og jukkið sem fylgir þessu víst og ekki víst að ég gæti verið með meðvitund á meðan því stæði, ég myndi bara enda í yfirliði á gólfinu býst ég við, hehe

Komið ár!

2008-02-15T15:27:00.000-08:00

Jæja gott fólk, haldiði að það sé ekki bara komið ár síðan hún litla ég flaug af hestbaki og þríbraut á sér hægri hendina!
Það verður bara að segjast að tíminn líður svo sannarlega hratt því mér finnst svo stutt síðan ég var að pirrast og baslast við að skrifa með vinstri hendinni meðan ég eyddi þessum þrem mánuðum í ljóta gipsinu.

Hreyfigetan er ekki komin 100% en við skulum segja að hún er allavega í kringum 90 - 95 % sem er bara mjög gott mál :)

og talandi um gips að þá er hann Huginn litli heldur betur gipsaður, en hann fór í aðgerð á boomerang löppunum sínum á mánudaginn síðast liðinn. Hann var nú ekki par sáttur til að byrja með en er farin að kunn á þetta núna og skríður um gólf eins og skæruliði með lappirnar gipsaðar með bláu gipsi alveg upp í nára
- Hann er sko sannkallaður Ofur Huginn!!

Það er nú ekki allt búið enn, heldur fór Pílu ponnsið mitt í aðgerð í dag, en það stóð til að senda hana í geldingu. Hún fór snemma í morgunn og allt gekk vel fyrir sig, að vísu komu í ljós bólgur í leginu þegar hún var oppnuð svo því var bara öllu kippt út í staðinn fyrir að taka einungis eggjastokkana eins og stóð til, sem ég held að hafi bara verið gott mál þá þarf maður ekki að hafa áhyggjur af legkrabba eða neinu slíku.
Hún er búin að vera dáldið slöpp í kvöld enda búin að vera að jafna sig af svæfingunni auk þess sem ég held að deyfingin sé að þverra og þá finnur maður nú dáldið til.
- Vonum bara að stelpan verði fljót að jafna sig

og já ég hef meiri fréttir, en hann afi minn, Valur Magnússon lést í vikunni. Hann var 81 árs og búinn að liggja á spítala síðan í apríl á síðasta ári eftir heilablóðfall.
Hann var frekar mikið veikur og allir vissu að hann færi að fara. Nú er hann á betri stað og líður mikið betur.
R.I.P afi

vikan að klárast!

2008-02-10T07:56:00.000-08:00

það er nú ekki einu sinni fyndið hvað tíminn líður hratt og núna er ég búin að starfa heila viku í sólarfilmu!

Verð nú að segja að mér líkar bara virkilega vel þarna og er að takast að læra á það hvernig þetta gengur allt fyrir sig, svo er starfsfólkið þarna ekki af verri endanum ;) og það er bara mesta snilld ever að vera búin að vinna kl 12 á föstudögum, bara æði að hafa langar helgar sko

Annars hef ég nú ekki komist á hestbak síðan á fimmtudag sem er mikill bömmer og allt þessu leiðinda veðri að kenna því ef það er ekki rigning, rok og stormviðvörun að þá er svo mikill og blautur snjór að hann hleðst svo mikið í hófana að maður hefði bara endað á rugguhesti!
Þannig að maður hefur lítið annað gert en bara að hleypa þeim stöllum út í gerði til að velta sér aðeins og hreyfa sig.

Skapi mínu var þó létt á laugardaginn þegar Sedda dró mig með sér upp í hesthús með Mánadís sína í forbyggingar mat og svo austur að kíkja á tryppin :)

Þau litlu bara mjög vel út, voru í góðum holdum og vel loðin, að vísu var girðingin hrunin svo við þurftum að gera við og sem betur fer voru hestarnir allir enn á sínum stað. Ég komst voða lítið nálægt Veröld minni þar sem hún var dáldið stygg en það eldist vonandi af henni

Sæta Veröld

Annars held ég að það sé voðalega lítið spennandi að frétta, Boston Legal er í kvöld sem er ávallt frábært enda snilldar þættir ^^

Byrjuð í nýrri vinnu

2008-02-04T14:15:00.000-08:00

Jahá gott fólk nú er stelpan komin í tvær vinnur
Önnur er á hagstofunni og hin í Sólarfilmu og þar sem ég var að vinna á báðum stöðum í dag að þá var vinnudagurinn minn frá 08.00 til 22.00 ... dáldið langur vinnudagur að mínu mati.

En já Sólarfilma,
Mætti s.s í dag fyrsta daginn minn og hann gekk nú bara nokkuð vel. Gústi var sá eini sem mættur var þegar ég kom og sagði hann mér að systur minnar væri sárt saknað enda fyndin, skemmtileg og lífsglöð stelpa þar á ferð (hans orð, ekki mín) svo þarna eru komnar aldeilis væntingar sem bornar eru til manns....

Svo mættu Tolli (eigandinn) og Margrét (almennur starfsmaður :P) um hálf níu. Tolli fór upp á skrifstofu og Gústi eitthvað út að sendast svo það vorum bara við Magga að dandalast inni á lager sem var bara mjög gaman. Flokkuðum póstkortin og svo sýndi hún mér hitt og þetta sem gott er að vita.
Ég held að mér eigi bara eftir að líka vel í sólarfilmunni sér í lagi þar sem fyrsti dagurinn gekk svona vel... nema að það sé eitthvað óheilla merki, because then I'm screwed

Annars er nú kannski ekkert svo mikið að frétta, var heima í Borgó um helgina ásamt henni systur minni og hennar fjölskyldu, sem var bara gaman nema þegar við fórum út að labba með hundana og lappirnar frusu næstum af okkur í þessum helv**** kulda.
Get ekki beðið eftir hlýrra veðri og jafnvel smá rigningu til að bræða þennan leiðinda snjó

En já.. hún litla ég þarf aðvakna kl 7 í fyrramálið að þá er ég að hugsa um að fara bara að sofa
later

Brúðkaup í sumar!!

2008-01-29T11:12:00.000-08:00

Já gott fólk ætli hún systir mín sé ekki bara orðin lofuð kona því það kom loksins að því að Dóri bar fram stóru spurninguna, enda ekki seinna vænna þar sem að hann sagði sjálfur einhverntíma að hún yrði að vera gift fyrir þrítugt og þar sem hún er 26 ára í dag stelpan .. well you can do the math

Þannig að núna þýðir sko ekkert annað en að slá í rassinn á sér og koma sér í form ef maður ætlar að verða kick ass brúðarmær.. og það er sko sannarlega nóg að gera í undirbúningu og fleiru þar sem að brúðkaupið verður í ágúst!!!
- og svo þykist ég hafa tíma í það að blogga.. jeminn eini

later

Fyrsti reiðtúrinn árið 2008!

2008-01-26T10:45:00.000-08:00

Veiveivei!
þá er ég loksins búin að komast í reiðtúr á nýja árinu! ekkert búin að fara á bak síðan stelpunni var sleppt í ágúst.

Við systurnar fórum sem sagt út í hús og lögðum á stelpurnar okkar sem voru mjög ánægðar að sjá okkur. Hleyptum þeim fyrst aðeins út í gerði þar sem að þær veltu sér og andskotuðust, óheyrilega mikið stuð :P
svo þegar við lögðum af stað slóst í för með okkur stelpa sem var líka upp í húsum og skemmtum við okkur bara vel.
Lilja hennar Siggu og Þokki sem stelpan var á voru að vísu með svo mikið keppnisskap að þau voru eiginlega bara komin í kapp og Álu greyjið sem hafði varla yfirferðina í þetta á eftir á valhopp/stökki, hehe

Ég var samt rosalega ánægð með það hversu mikið Ála tölti þar sem ég bjóst nú við því að hún vildi bara brokka, en það vildi hún einmitt aðallega gera þegar ég keypti hana í vor en þá hafði hún náttúrulega ekki verið hreyfð í nærri ár svo það skýrir það kannski.
En þetta var bara rosalega gaman og ég naut mín út í eitt. sérstaklega þegar við hleyptum upp þarna eina brekku og Ála tók þessi líka þvílíku gleðihopp og stökk... bara eins og versta rodeo hross, stanslaust stuð!
Svo á leiðinni heim var hún komin í enn meira stuð og var farin að tölta hratt og vel þegar við svo komum að smá lækjarsprænu sem hún hafði gengið yfir bara nokkrum mínútum áður þá tók mín sig sko til og stökk yfir hana!
- fannst það sérstaklega skemmtilegt þar sem aldrei áður hefur hestur stokkið yfir neitt með mig á baki :P

En já óhætt að segja að þetta hafi aldeilis verið sallíbunu reið og var svo sannarlega skemmtileg. Svo erum við systur að hugsa um að skreppa aftur á morgun :P
- þær verða kannski aðeins rólegri þá, hehe

Breiðhyltingur

2008-01-11T10:24:00.000-08:00

Já gott fólk, it has happened. hún litla ég er komin í höfuðborgina og orðin að breiðhyltingi eins og svo margt annað gott fólk hefur verið og er enn.

Ég eyddi s.s mestum deginum í dag í að pakka því sem ég átti eftir að pakka *sem var nú bara allt* og um fjögur lagði ég af stað á vit ævintýranna, hehe
Lenti hér í keilufellinu rétt rúmlega fimm, Sólrún frænka tók vel á móti mér eins og við var að búast og nú er ég búin að taka allt upp og koma mér fyrir. Gunnar frændi hló dáldið af mér þegar hann sá mig sitja við tölvuna mína við þetta miniature borð sem er hér inni, en ég er nú ekki beint há í loftinu þannig að þetta sleppur... þó svo að óhætt er að flokka þetta sem hobbita borð :P
Dorrit er ekki heima eins og er og býst ég við að hún sé með Hauki í vinnunni.. hlakka samt mikið til að hitta hana, hún er svo mikið krútt.
- skelli kannski inn mynd af henni við tækifæri

vinnan byrjar svo bara á morgun, en ekki fyrr en í hádeginu svo ég fæ að sofa út ;)

annars held ég að ég láti þetta nú bara duga úr Breiðholtinu í bili.
later ;)

Betra seint en aldrei..

2008-01-09T10:23:00.000-08:00

Jæja ég vil bara óska öllum gleðilegs nýs árs!!

Þá er bara komið árið 2008!
Margt gerðist á síðasta ári, sumt gott annað miður gott og stundum finnst mér ég hafa verið frekar óheppin... lenti ég þá m.a. alls í 3 árekstrum og handleggsbrotnaði illa en ef litið er á björtuhliðarnar þá festi ég kaup á yndislegri hryssu, bíl og útskrifaðist úr FVA!!

og það er eiginlega stóra stökkið sem ég tek núna en þar sem ég ætla ekki að halda áfram í skóla fyrr en næsta haust að þá er það bara Reykjavíkin og atvinnumarkaðurinn sem tekur við, en ég fer í bæinn núna á föstudaginn en er það hún Sólrún frænka sem ætlar að lofa mér að vera :)

Ég er komin með tvær vinnur.
Önnur er hjá Sólarfilmu en ég byrja þó þar ekki fyrr en 1. feb, hitt starfið er hjá hagstofunni þar sem ég mun koma til með að vinna tvö kvöld virka daga og aðra hvora helgi. vinn ég sem spyrill og mun hafa það skemmtilega starf að hringja í fólk og spyrja þau spurninga.. voða merkilegt og mikilvægt ;)
- hagstofu starfið er þó ekki nema 4ra mánaða verkefni svo því verður líklegast lokið í apríl.. þá verð ég víst að sjá til hvort ég fái mér einhverja aðra auka vinnu eða láti mér bara Sólarfilmuna duga.

Gleðileg jól, hvít jól

2007-12-26T05:06:00.000-08:00

Já elsku dúllurnar mínar, ég óska ykkur öllum gleðilegra jóla og vona að ykkar jól hafi verið jafn góð og mín, að vísu fannst mér svoldið tómlegt hér á aðfangadag þar sem Sigga systir og henna familía voru í reykjavíkinni hjá tengdó, but whatcha gonna do.

Kalkúnninn var sem fyrr algjört æði og bara ekkert sem jafnast á við þessa yndislegu stuffing sem honum fylgir.
Það hafði snjóað yfir daginn svo þetta voru falleg hvít jól, en stuttu eftir kvöldmatinn verð ég vör við blossa fyrir utan, registeraði þetta ekki alveg fyrr en ca 10 sekúndum seinna að þessi þvílíka druna dundi yfir... höfðu þetta þá verið þruma og elding og á eftir fylgdi líka þetta steypi haglél.
En við létum þetta ekkert stoppa okkur í jólagleðinni og héldum inn í stofu að taka upp pakka.

Ég get með sanni sagt að ég sé einkar ánægð með mínar gjafir enda voru þær virkilega flottar. Frá mömmu og pabba fékk ég ekta kúrekahatt, sæt náttföt, þrífót undir myndavélina og einhverjar 6 dvd myndir byggðar á bókum eftir Stephen King :D
Frá Siggu og Dóra fékk ég svo tvær ábygglega mjög góðar bækur sem mig hlakkar til að lesa 'Interview with a vampire' og 'The Vampire Lestat'
Einnig fékk ég hestakamb, bleikan burberries múl til að hafa Álu fína með, tequila glas og 15 000 kr inneign í kringlunni :D

Í gær var svo farið í jólaboð til Elsu og Tryggva og þar voru litlu frændurnir Huginn Aðils og Jóhannes Aron aldeilis á útopnu :P
En jæja ætli ég segi þetta ekki gott í bili og aldrei að vita nema ég taki mér tíma í að blogga einu sinni fyrir áramót ;)

Ásrún, Mega sátt með jólin

Ásrún nýstúdína

2007-12-21T14:32:00.001-08:00

Hell yeah ætli að ég hafi ekki bara útskrifast í dag ... eða brautskráðst af félagsfræðibraut eins og þetta kallast víst á menntamáli eða sve

Allavega þá er þessi dagur bara búinn að vera *in a nut shell* æðislegur!
- vaknaði í morgunn og hóf að hafa mig til, Anna kom og gaf mér æðislega flott hálsmen. Saman rúntuðum við á skagann þar sem ég náði í húfuna mína og svo var beðið eftir að allt hæfist.
Athöfnin gekk áfallalaust fyrir sig, það var að vísu einn gaur sem að missti húfuna sína í gólfið ... vandræðalegt...

Þegar öllum ljósmyndum var aflokið, búin að vera föðmuð og kysst af bláókunnugu fólki sem óskaði mér til hamingju þá fórum við litla fjölskyldan í bæinn en Anna snéri heim í Borgó.
Í Reykjavíkinni borðuðum við þennan dýrindis humar og nautakjöt heima hjá Siggu og Dóra og var þetta bara hreint út sagt yndislegt kvöld

Takk æðislega fyrir allir sem komu að þessum degi og ég óska öllum öðrum sem brautskráðust þennan sama dag innilega til hamingju, To day is our Day!

...myndir koma seinna ;)

Einkunnir komnar í hús

2007-12-18T06:08:00.000-08:00

Jæja þá eru þessar blessuðu einkunnir komnar og ég verð nú að segja að ég er bara nokkuð sátt :D

Sag 203 - 6
Sag 303 - 6
Sál 273 - 8
Upp 203 - 8
Upp 303 - 9
Ens 433 - 10

Nokkuð gott ekki satt?
- Einnig vil ég óska systu minni til hamingju með sinn árangur í enskuprófinu sem hún var að fá úr sem og góðs gengis í prófinu sem hún er að fara í á föstudaginn... eins gott að hún standi sig í því þar sem að hún kemst ekki í útskriftarathöfnina mína sökum þessa prófs!

En til að bæta það upp þá munum við familían snæða heima hjá henni um kvöldið og það verður sko ekkert slort í kvöldmatinn, humar og alles... me likey very much :D

Árangurinn minn

2007-12-13T14:32:00.000-08:00

Hehe ó já það er sko ekki leiðinlegt að upplýsa ykkur um ágæti mitt í prófunum þar sem ég náði þeim öllum og mun útskrifast með glans úr FVA þann 21 desember 2007 !!!!!!!!!!!!!!!!!!!!!!!!!

Ég get bara ekki beðið, ekkert smá spennandi. Ég tók síðasta prófið á mánudaginn og hringdi svo í morgunn til að athuga hvort kennarinn væri búinn að fara yfir prófið. Eftir smá bið komst ég að því að ég hafði náð því, rétt eins og hinu prófinu.
Ég var ekkert smá ánægð og rauk inn í svefnherbergi þar sem mamma svaf á sínu græna kallandi "Ég náði öllum prófunum, ég er að fara að útskrifast!!"
- Ég hélt hún yrði ekki eldri henni brá svo, hehe

En já útskriftin er s.s 21. og svo er bara vinna vinna vinna þar og þangað til og fram að jólum. og svo fer maður að huga að flutningi í höfuðborgina fljótlega og þarf að athuga með jobb þar í bæ ... allt að ske sko ;)

Síðasta prófið á morgun!!

2007-12-09T11:27:00.000-08:00

Já gott fólk, síðasta prófið mitt er á morgun!
Á morgun fæ ég líka vonandi að vita hvernig mér gekk í prófinu sem ég fór í á fimmtudaginn og auðvitað verða allir að krossleggja fingurnar með mér og óska þess að ég hafi náð.

Einnig hef ég verið að hringja í stórfjölskylduna og bjóða í stúdentsveisluna sem verður svo haldin... kannski ekki beint það gáfulegasta þar sem ég veit ekki enn hvort mér mun takast að útskrifast, en því verður þá örugglega reddað með hvítum pappírshatti með áletruninni tossi ef út í það er farið

Svo mun líf manns algjörlega umturnast þegar ég flyt í bæinn úr foreldrahúsunum, en elskuleg frænka mín ætlar að veita mér húsaskjól.
Ég er líka komin með pláss fyrir hana Álu mína í hesthúsi sem er ekkert svo langt frá þannig að það er bara frábært, næst á dagskrá verður að finna einhverja góða vinnu svo maður geti farið að vinna fyrir sér og spara fyrir því að fara út í nám ;)

Hálfnuð í prófunum

2007-12-06T10:09:00.000-08:00

Já sæll þá er maður bara hálfnaður í prófunum! Búin með eitt og á eitt eftir, hehe

Sögu 203 prófið var sem sagt í morgunn og ég held að mér hafi gengið bara ágætlega, gekk allavega betur en ég átti von á svo það er alltaf plús...

Held ég hafi frá voðalega takmörkuðu öðru spennandi að segja.. í dag kláraði ég sci fi stutt sögu sem ég átti að skrifa fyrir enskuáfangann og svo flippaði ég aðeins með myndavélina enda er maður búin að eyða einum og miklum tíma í að vera að læra held ég samanber myndina hér að neðan

No more FVA!

2007-11-30T13:11:00.000-08:00

váts maður þá er þessi vika bara búin og ef allt gengur upp þá mun ég aldrei aftur setjast á skólabekk í FVA, nema þá til að taka þessi tvö próf sem ég á eftir en þau eru þann 6. og 10. des... allir að hugsa fallega til mín þá ;)

En fyrsti des er á morgun og það er ekki fyndið hvað tíminn er búinn að líða hratt, verð flutt til frænku í Reykjavíkinni áður en ég veit af.
Kannski spurning þá um að fara að sækja um vinnu á fleiri stöðum, er bara búin að fara í eitt djobba viðtal so far og hef ekki fengið neitt svar enn ....

Hvað fleira skemmtilegt get ég sagt ykkur?
Á morgun skrepp ég til rvk að hitta Seddu og Hjört en fer svo með þeim að kíkja á hana Veröld mína og gobbana þeirra, kem örugglega með einhverjar myndir, ég meina hverjum finnst ekki gaman að sjá myndir af sætum fluffy hestum ;)

Samantekt Dimmiteringar

2007-11-28T04:29:00.000-08:00

Er er ekki löngu komin tími á að ég skrifi hér ýtarlega lýsingu á dimmiteringunni minni?

- Ég held það

Ég get með sanni sagt að þetta hafi verið snilldar dagur í heild sinni og heppnast alveg æðislega vel, enda var bara frábærlega gaman :D

Dagurinn byrjaði á því að ég vaknaði klukkan fjögur á aðfaranótt föstudagsins til að hafa mig til, fór í búninginn, fór með dót og drasl út í bíl, fékk mér að borða og rúntaði svo á Akranes rétt fyrir hálf sex og var komin á skagann um sex leytið.Þá fór ég heim til Fríðu sem býr við hliðina á skólanum, lagaði mig aðeins til og fengið sér smá ;)

Traffík í spegilinn

Strákarnir voru bara á chillinu

En um sjö þá strunsuðum við fylgtu liði, Kleópötrur og Skylmingarþrælar, á heimavistina til að vekja þessar vistarverur með hrópum og köllum. Flestir krakkana reyndu að snúa á okkur og læsa herbergjum sínum, sem betur fer höfðum við þá hann Stjána með okkur en hann hafði fengið lyklavöldin kvöldið áður og sá til þess að allir á vistinni voru vaktir, múhahaha

Vakningin á vistinni

Þegar búið var að ganga úr skugga um að allir væru vaknaðir hófumst við handa, nokkrir fóru heim til Bjarnþórs kennara að 'ræna' honum, á meðan ég og nokkrir aðrir 'rændum' henni Huldu sem er forstöðukonan á vistinni. Þeim var báðum vafið í tóka og fengu þessar fínu gylltu bergfléttur.

Eftir það var haldið af stað í skólann og átum við morgunmat með kennurunum enda klukkan farin að ganga átta.

Í morgunmatnum á kennarastofunni

þegar maturinn var búin fórum við niður á sal, lokuðum honum og byrjuðum að undirbúa fyrir showið, en um níu leytið tókum við okkur smá hlé og hlupum crazy um ganga skólans með hrópum og köllum, trufluðum kennslu og létum öllum illum látum... sem var heavy stuð :D

Næst fórum við aftur á sal þar sem við tókum ca eitt rennsli og svo var showið klukkan rúmlega ellefu.

Óhætt er að segja að það hafi heppnast með eindæmum vel því enn er fólk að tala um það og margir að segja að þetta hafi verið besta dimmisjóv til þessa!
Enda var þetta líka bara snilld ;)

Fótboltaborðið

Allir að dansa

Eftir Dimmisjóvið fengum við mat á sal skólans og svo var haldið af stað í borg óttans í óvissuferð. Stemmingin í rútunni var í hámarki og var mikið sungið og trallað.

Yours Truly í rútunni ... og Karí að tjá sig fyrir aftan...

Þegar við komum í bæinn fór rútan í Kópavoginn þar sem við tókum einn leik í laser tag og lenti mín í öðru sæti *stolt* enda ekki slakur árangur þar sem þetta var í fyrsta sinn sem ég fer í laser tag

Gellurnar á leið í Laser Tag

En næst var ferðinni heitið í kringluna þar sem við fengum að skottast í hálftíma, hlaupandi um, láta taka af okkur myndir og svara spurningum forvitnra vegfarenda. Þegar við vorum svo á leiðinni úr kringlunni hópuðust strákarnir saman, mynduðu fylkingu, marseruðu, börðu á brjóst sér og hrópuðu...

Við gengum framhjá tveim öryggis vörðum en þeir sáu ´líklegast að við vorum á leiðinni út svo þeir gerðu ekki neitt, en þegar við vorum að ganga út um hurðina kom einn öryggisvörður.. lítið písl með gleraugu og ´hellti sér yfir strákana með fúlyrðum og hreytingum og sagði þeim að hætta þessu eða að drulla sér út.

Ég veit nú ekki hvað hann hafði í hyggju þessi öryggisvörður, því fyrir utan þá staðreynd að við vorum á leiðinni út hvað ætlaði hann þá að gera einn á móti þrettán vopnuðum skylmingarþrælum?

Í rúllustiganum í kringlunni

Allavega, eftir kringlureisuna var farið í keiluhöllina. Við fengum að bíða dágóða stund eftir að komast að og fengum ekki einu sinni keiluskó! en hvað um það við byrjuðum í diskókeilu og allt í stuði og voða gaman þegar allt í einu allt fyllist af fjölskyldufólki með litla krakka og öll ljós kveikt og diskókeilan búin :( ekki gaman...

Við kvörtuðum en fengum engu breytt svo við afréðum að klára bara þennan leik og fara svo en ekki taka tvo eins og fyrr hafði verið ákveðið.

Svo var bara farið aftur út í rútu og keyrt aftur á skagann. Klukkan var þá orðin hálf sjö en eftir að hafa talað við eigenda Breiðarinnar *við leigðum efrihæðina þetta kvöld* þá átti ekki að hleypa okkur inn fyrr en um sjö og rútubílstjórinn vildi ekki leyfa okkur að bíða í rútunni svo við urðum bara að redda okkur. Reddaðist ég með að skella mér bara á rúntinn með Ragnheiði, Steinunni, Öglu og Fríðu.

Breiðin opnaði svo ekki fyrr en hálf átta, sem var frekar fúllt, en þegar við komum inn biðu okkar dominos pizzur sem er alltaf gaman ;)

Mikil stemming var á breiðinni en því miður ekki allir sem komust þangað því var það nokkur Hörður U sem hafði farið heim til sín í milli tíðinni og sofnað... ekki nógu sterkur leikur þar á bæ.

Við hin skemmtum okkur allavega konunglega enda var þarna boðið upp á bollu og bjór.Stemmingin var svoí hámarki frá tíu til ellefu og voru allir upp á sitt besta dansandi rassinn úr buxunum. Enda var orðið ansi heitt í kolunum, berir strákar og stelpur upp á borðum :P

Sexy time

Rétt eftir ellefu var rútan komin aftur og þá átti að fara með okkur á ballið. Ég var nú ekki nema tæplega hálftíma á ballinu enda var farið mitt komið en það var hún Anna yndislega sem sótti mig á Skagan og kom mér aftur heim þar sem restin af vinum mínum beið og þá byrjaði stuðið aftur... sem og kvöldið þar á eftir ;)

Þannig já, þetta var virkilega vel heppnuð helgi. Dimmiteringin og Dimmisjóvið var æðislegt og einnig var líka mjög gaman að partýa með vinunum... ég lærði líka Texas Hold'em ;)

svo fer skólinn bara að klárast, skrítið að þetta skuli vera síðasta vikan mín í FVA... úff !! Maður er að verða svo fullorðin

En bara takk allir fyrir frábæran dag, þetta hefði ekki getað verið skemmtilegri hópur eða skemmtilegri dagur! :D

Dagur Dimmiteringar

2007-11-22T20:27:00.001-08:00

Vá maður; To Day's the Day !

Dimmitering bara eftir nokkra klukkutíma, Ég þarf í raun ekki að "Vakna" fyrr en eftir hálftíma s.s klukkan er bara hálf fimm, en hver getur sofið þegar maður er að fara að dimmitera?

Þetta á eftir að vera klikkað stuð og mig hlakkar geggjaðslega mikið til !! :D

Always look on the bright side of life...

2007-11-21T16:20:00.000-08:00

Já ég er ekki frá því að maður verði stundum bara að taka sér smá tíma og líta á björtu hliðarnar á því sem gerist í lífinu.
T.d var margt sem gerðist í dag...

Ég skrapp til Reykjavíkur í atvinnuviðtal sem gekk bara ágætlega að ég held, eftir það hitti ég Dagmar, Þórhildi og Önnu og saman skruppum við á Café Blue þar sem Þórhildur kveikti næstum því í henni Dagmar með því að halla sér fram á borðið, það valt aðeins fram, kertastjakinn á loft og beint á Dagmar sem varð öll út ötuð í kertavaxi en sem betur fer slokknaði eldurinn og hún meiddist ekki
Bright Side; Þetta var sjúklega fyndið

Eftir vaxið á Café Blue ákváðum við að skreppa í Toys'R' Us og ath með perlur fyrir Dagmar svo hún gæti skreytt dimmó-búninginn sinn, úrvalið var nefnilega ekki nógu gott í Kringlunni, við erum komin langleiðina þangað þegar svo illilega vill til að ég lendi aftan á öðrum bíl!
Sem betur fer var ég ekki á miklum hraða, það slasaðist enginn og það eina sem sést á mínum burra er númeraplatan á framan sem er beygluð svoldið inn.
Bright Side; Löggu-gaurinn sem kom og tók skýrsluna var gegt hot, og þá meina ég GEGT

Fór í Spray-Tan í dag áður en ég fór á Dimmó-æfingu, frekar spes er orðið yfir þá lífsreynslu og sem betur fer lenti ég ekki í því sama og Ross :P Allt gekk svo vel á Dimmó æfingunni þar til klukkan var orðin hálf ellefu, þá ætluðum við að taka loka rennsli en þá kom kona sem sagði að við yrðum að fara þar sem það var verið að læsa skólanum, við vorum engan vegin sátt þar sem þetta var loka prufan okkar því við fáum ekki salinn á morgunn og yrðum að fá að renna yfir þetta aftur. Eftir mikið þreyf og nokkur símtöl féllst Egill Kokkur á að vera með okkur, fylgjast með og hleypa okkur svo út.
Bright Side; Þrátt fyrir þreyfið og rifrildið um hvort við gætum verið lengur þá var hann Egill með svo smitandi hlátur að allir komust aftur í mjög gott skap þegar við renndum yfir show-ið okkar

En já... klukkan er farin að ganga eitt svo ég ætti að pilla mig upp í rúm enda orðin vel þreytt og skóli í fyrramálið
Bright Side; Ég þarf ekki að mæta fyrr en tíu mínútur í ellefu á morgun ;)

Kjáninn ég

2007-11-19T09:05:00.000-08:00

híhí, ég er kjáni.

Ég er s.s í skólanum að bíða eftir að dimmó-æfing hefst sem er eftir ca tuttugu og fimm mín... ég sat þar sem ég og mitt 'lið' sitjum oftast á tengiganginum við bóksafnið þegar ég heyri að það er kominn slatti af fólki inn á sal og situr þar, ég lít snöggt á hópinn og sé þar nokkra sem eru að dimmitera með mér og hugsa 'já ok, þau eru s.s flest öll komin og afréði að setjast þar hjá þeim... það var litið aðeins skringilega á mig og sé ég þá að þarna er eitthvað af fólkinu er ekki að dimmitera og eftir smá stund heyri ég að þetta er s.s stjórnin að plana fyrir næsta skóla ár og ég sit bara hér rétt hjá þeim á chillinu :P
bara kjánaskapur.

Annars er það að frétta að hún Ólöf uppeldisfræði kennari spurði mig í dag hvort ég væri ofvirk þegar ég skilaði tveim ritgerðum og tveim verkefnum í dag sem hún lét mig hafa um miðja síðustu viku... ég þurfti að segja henni að nei ég væri ekki ofvirk, heldur svo virtist sem ég ætti bara ekkert líf, en þannig er það víst bara þegar maður þarf að hanga í skólanum í +2 klukkustundir á dag að bíða eftir dimmó-æfingum...
Ég get þó samt sagt að eins og það er leiðinlegt að bíða eftir að æfingarnar byrji að þá er rosa gaman á þeim ;)
- og mig hlakkar þvílíkt til að dimmitera !

Helgar blog

2007-11-18T04:27:00.000-08:00

Þið ættuð sko bara að vita hvað það var ljúft að sofa út í morgunn sem og í gær morgunn, bara yndislegt :)

Helgin er nú búin að vera nokkuð fín so far. Á föstudeginum kláraði ég ritgerð og nokkur verkefni auk þess að horfa á Masters of Horror að sjálfsögðu, en ég verð að játa því fleiri af þeim þáttum sem ég horfi á því meira sakna ég Nightmares and Dreamscapes
Þá var auðvitað dagur íslenskrar tungu og Erpur Eyvindsson kom í skólan og talaði og rappaði, það var mjög gaman af honum, hinn ágætasti húmoristi
Svo auðvitað þurfti hann Jón Árni blessaður að mæta í skólann ... búinn að vera veikur alla vikuna en mætti svo á föstudeginum bara til að gleðja okkur nemendurna .... ><

*Dramatic Intermission Music*

Laugardagurinn nú var nokkuð fínn í sjálfu sér líka, bara chill, göngutúrar með hundinn, svo kíkti Anna vinkona í stutta heimsókn og svo auðvitað hápunkturinn sem var að horfa á nokkra heroes þætti og eta pizzu... en nú er ég frekar svekkt þar sem ég er búin að horfa á alla heroes þættina sem ég á sem eru s.s 1 - 8 og bíð nú í ofvæni eftir að komast yfir þann níunda ...

Dimmó æfing er á eftir kl sex og þá rennum við yfir þetta með tónlist og alles, verður örugglega hörku stuð.
Dimmisjónið er svo náttúrulega á föstudaginn og mig hlakkar ógó mikið til, og enn á ég eftir að máta búninginn minn, ekki nógu gott.
Svo verður náttúrulega bara gaman næstu helgi dimmiteringin o'course, svo verða foreldrarnir í útlandinu og ég fæ að bjóða nokkrum vinum heim í 'partý'

Stanslaust stuð ;)

Cursed be the one that invented sleepless nights!

2007-11-14T08:45:00.000-08:00

Já vitiði, ég held að sá 14. sé ekki beint minn dagur heldur ...
ef við byrjum á byrjuninni að þá var ég andvaka frameftir öllu í nótt og sofnaði ekki fyrr en klukkan var farin að ganga hálf fjögur... svo vakna ég með þvílíka verki niður eftir rifbeinunum báðu megin, staulast upp úr kjallaranum og reyni að jafna mig .. ekkert sem ég gat gert en til allrar hamingju lagaðist verkurinn.
þá var klukkan orðin svona korter yfir sjö og engin tilgangur í að fara aftur að sofa svo ég byrjaði bara að hafa mig til fyrir skólann.

Komin rétt fyrir hálf 9 *skólinn byrjar hálf 9 fyrir þá sem ekki vita* og þá er bara einn kennari skráður veikur svo ég og hinir samnemendur mínir bíðum fyrir utan stofuna. eftir 10 mín kemur strákur sem er með okkur í þessum tíma og segir að kennarinn sé veikur sem þýðir að ég fór ekki í tíma fyrr en 10.50!
- og fékk því að hanga næstu tvo tímana í skólanum .. tíminn nýttist svosum ágætlega, náði að klára aðre uppeldisfr. ritgerðina mína, svo það er gott.

en já tími kl 10.50 ... eyða og svo aftur tími.
Þá var ég búin í skólanum, klukkan orðin hálf 3 og hófst þá biðin eftir að dimmó fundurinn byrjaði kl 5 .. sem er eftir 10 mín.

Var s.s bara að horfa á heroes áðan og láta mér leiðast, og vá maður hvað er málið við að gera svona spennandi þætti og láta þá alltaf enda to be continued...

en já, svona hefur dagurinn minn basically verið, ég er óheyrilega þreytt, ekki enn búin að jafna mig 100% á verknum í morgun *sem eru að öllum líkindum hassperur (harðsperrur?) síðan ég datt í gær* og get ekki beðið eftir að komast heim, taka því rólega, horfa á Top Model og fara að sofa !!

Já fínt, Já sæll...

2007-11-13T14:42:00.000-08:00

Jæja... ætli saumarnir séu nú ekki farnir úr hendinni, ég skil nú ekkert afhverju ég var látin borga 700 krónur fyrir þessa saumatöku þar sem það var ég sem þurfti að segja lækninum hvernig hún átti að taka sauminn úr þar sem hún hafði aldrei áður fjarlægt svona innri saum, finnst að hún hefði bara átt að borga mér fyrir þessa mikilvægu kennslu

allavega... í dag var fyrsta dimmisjón "æfingin". Rætt var aðeins um búningana, sem eru mjög töff og svo farið yfir handritið en æfingar og hlutverkaskipan mun fara fram á morgunn.
Æft verður svo stíft fram að dimmisjóni en það verður eftir hvorki meira né minna en 10 daga takk fyrir takk! Eigum við eitthvað að ræða þetta frekar

En eftir að ég kom heim af "æfingunni" þá er óhætt að segja að þetta hafi ekki beint verið mitt kvöld... Eftir kvöldmatinn var mér sagt að skjótast aðeins út til ömmu með einhvern hlut handa henni, þegar ég er á leiðinni heim tekst mér að detta fram fyrir mig og enda kylliflöt á jörðinni, mér var svo mikið í mun að passa hendina mína í fallinu að ég lagði ölnbogann fyrir mig og hruflaði hann all vel :(
Svo ekki nóg með það, heldur eftir að ég kom heim ákveð ég að skella mér í sturtu, er komin í baðið og er ekki fyrr búin að kveikja á sturtuhausnum þegar hann réðist á mig og hrundi í sundur!
Tók þá við dágóð bið þar sem ég stóð blaut og köld, umvafin handklæði meðan pabbi reyndi að redda þessum bölvaða sturtuhaus. Eftir nokkur bölvunarorð eins og pabba einum er lagið fór hann og fann annan sturtuhaus og festi upp. Komst ég loksins aftur undir heita bununa, en þá var festingin aðeins of stór svo hann lagðist alltaf upp við vegginn! svo ég neyddist eiginlega til að halda við hann allan tímann, massíft stuð...

En það sem bætir mitt skap núna er sú tilhugsun að vera komin með þátt 1 - 7 í nýjustu seríunni af heroes :)
- hlakka til að horfa :D

Nýtt blog!

2007-11-12T15:46:00.000-08:00

Já mér fannst vera komin tími til að prófa eitthvað nýtt so I'm testing the waters here on blogspot.

Hér er líka hægt að setja upp skemmtilegan profile um sjálfan sig svo þetta er strax sniðugra heldur en blog.central
hmmm... spurning samt hvað maður hefur merkilegt að segja ...

Dimmitering verður föstudaginn þann 23 nóvember og hefjast æfingar ekki seinna en á morgunn! en það er akkúrat sami dagur og saumarnir verða teknir úr hendinni minni, merkilegt nokk. Vona að eftir það þurfi ekki meira að krukka í henni ...

en úff maður .. dimmó eftir 2 vikur og það þýðir 3 vikur í prófin!
og æ styttist í útskrift

ég held að ég sé bara ekki að fatta þetta almennilega